Sybaılas jemqorlyqpen kúres qyzmetinde ardagerler keńesi quryldy

NUR-SULTAN. QazAqparat – Elimizde jemqorlyqqa qarsy kúresý maqsatyn kózdegen ardagerlerden quralǵan qoǵamdyq birlestik paıda boldy, dep habarlaıdy QazAqparat tilshisi.

«2020 jyldyń 9 maýsym kúni ádilet organdarynda QR Sybaılas jemqorlyqqa qarsy qyzmettiń ardagerler keńesi qoǵamdyq birlestigi tirkeldi. Birlestikti qurýdaǵy maqsat – sybaılas jemqorlyqqa qarsy agenttikpen jemqorlyqpen kúreste birigip áreket etý, sonymen qatar sybaılas jemqorlyqqa qarsy agenttiktiń jas qyzmetkerlerin tárbıeleýde ardagerlerdiń aqyl-keńesine júginý. Osy jáne ózge de maqsat-mindetter jazylǵan birlestiktiń arnaıy jarlyǵy da bar», - dedi QR Sybaılas jemqorlyqqa qarsy qyzmettiń ardagerler keńesiniń tóraǵasy Rýstam Ibraımov atalǵan agenttiktiń Facebook paraqshasynda ótken onlaın baspasóz máslıhatynda.

Onyń aıtýynsha, atalǵan birlestiktiń fılıaly barlyq oblys ortalyqtarynda ashylady.

«Búginde oblys ortalyqtaryndaǵy sybaılas jemqorlyqqa qarsy kúres departamentterinde jańa birlestiktiń jumysy tanystyrylýda. Osy suraq boıynsha biz SQO, Pavlodar jáne Aqmola oblystarynda bolyp, túsindirý jumysyn júrgizdik», - deıdi ol.