Sybaılas jemqorlyqpen barlyq memlekettik organ birdeı kúresýi kerek – Agenttik
«Memleket basshysy aıtyp ótkendeı, «Memlekettik organdar bastama tanytpaıdy, jaýapkershilikten taıqaqtap, qaǵazbastylyqqa salady». Jemqorlyqtyń jolyn kespeı, onymen kúres tıimsiz», - dedi Sh. Qabdýla elordadaǵy memlekettik organdardyń sybaılas jemqorlyqpen kúres saıasatyn júzege asyrý máselelerine arnalǵan jıyn barysynda.
Onyń aıtýynsha, memlekettik organ basshylarynyń jemqorlyqqa qarsy kúres jumystary kópshilikke kórinbeıdi.
«Bizdiń agenttikke Memleket basshysyn belsendi emes jáne jemqorlyqpen kúreste naqty bastamasy joq basshylar týraly aqparattandyrý tapsyrmasy berildi. Bul barlyq memlekettik qyzmetshiler úshin dabyl. ıAǵnı, barlyq memlekettik organdar men árbir memlekettik qyzmetshi jemqorlyqpen teńdeı kúresýi kerek», - dedi ol.
Agenttiktiń tóraǵa orynbasarynyń málimdeýinshe, memlekettik organdardyń ókilderi jemqorlyq táýekelderin ishinara anyqtaýy tıis.
«Aıaqtalmaǵan isti anyqtaý tek agenttiktiń quzyretine ǵana jatpaıdy. Jemqorlyqtyń aldyn alý jumystaryn ózderińiz júrgizip, qyzmetkerlerge zardabyn tıgizbeı, táýekeldiń aldyn alýǵa qatysty ońtaıly sheshim qabyldaýlaryńyz kerek. Bul jumysty qazirden qolǵa alý qajet. Bıylǵy jyldyń 8 aıy ótti, al sybaılas jemqorlyq táýekelderin taldaý jumystaryn qalalyq ákimdikke qarasty tek qana 5 basqarma júrgizgen. Qalǵandaryna bul jumys kerek emes sekildi», - dedi Sh. Qabdýla.