Sybaılas jemqorlyqqa tosqaýyl qoıý turǵysynda ońtaıly jumystar atqaryldy - Q.Saýdabaev
ANA. 12 qarasha. QazAqparat /Rýslan Ǵabbasov/ - Ekonomıkalyq qylmysqa jáne sybaılas jemqorlyqqa qarsy kúres agenttigi jemqorlyqqa tosqaýyl qoıý turǵysynda ońtaıly jumystar atqardy. Bul týraly búgin Aqordada QR Prezıdenti janyndaǵy sybaılas jemqorlyqqa qarsy kúres máseleleri jónindegi komıssııanyń kezekti májilisinde Memlekettik hatshy-Syrtqy ister mınıstri Qanat Saýdabaev málim etti.
«Búgin biz bıylǵy sońǵy májilisimizdi ótkizemiz. Aǵymdaǵy jyldyń qorytyndysy boıynsha Qazaqstandaǵy sybaılas jemqorlyqqa tosqaýyl qoıý turǵysynda halyqaralyq reıtıng aıasynda elimizde eleýli oń ilgerleýshilik bar»,-dep atap ótti Memlekettik hatshy.
Osy oraıda Q. Saýdabaev atalǵan komıssııamen Ekonomıkalyq jáne sybaılas jemqorlyqqa qarsy kúres agenttiginiń ońtaıly jumysyn atap ótti. Agenttik jyldyń ishinde júıelik jumystardy atqara bildi. Sondaı-aq, Elbasynyń sybaılas jemqorlyq qylmystaryn tómendetý strategııasyn, sonymen birge sońǵy jyldary respýblıkada bul baǵytta atqarylyp jatqan sharalardy halyqaralyq uıymdarmen elimizdiń álemdegi áriptesterine jetkizý boıynsha tıisti jumystar júrgizilgenin aıtyp ótti.
«Meniń oıymsha, osy jumystardyń nátıjesi retinde elimizdegi jemqorlyqtyń halyqaralyq reıtıngte oń beles alýy kórsetkish bolyp otyr»,-dep atap ótti Memlekettik hatshy.
Osy oraıda ol atalǵan reıtıngte Qazaqstan 15 ustanymǵa joǵarlaǵanyn atap kórsetti. Aıta keteıik, komıssııa otyrysynyń kúntártibinde ekonomıkanyń agrarlyq sektorynda jáne qurylys salasynda sybaılas jemqorlyqqa qarsy kúres is-qımyly boıynsha sharalar talqylandy. Atqarylǵan jumys nátıjeleri týraly aýyl sharýashylyǵy mınıstri Aqylbek Kúrishbaev pen Qurylys jáne turǵyn úı -kommýnaldyq sharýashylyq isteri agenttiginiń tóraǵasy Serik Nokın baıandap berdi.
«Aýyl sharýashylyǵy salasynda sybaılas jemqorlyqqa qarsy is-qımyl memleketke azyq-túlik qaýipsizdigin qamtamasyz etýdiń jáne oatndastarymyzdyń ál-áýqatyn arttyrýdyń mańyzdy faktory bolyp tabylady»,-dep túıindedi sózin Q. Saýdabaev.
