Sybaılas jemqorlyqqa qarsy ulttyq bıýro jobalaý keńsesin tanystyrdy
«Ózderińiz biletindeı, qazir memlekettik organdardy transformatsııalaý protsesi josparly túrde júzege asyrylyp jatyr. Sol sebepti Sybaılas jemqorlyqqa qarsy is-qımyl ulttyq bıýrosy da bul baǵytta belsendi jumys atqarýda. Buryn habarlaǵanymyzdaı, aǵymdaǵy jyly qańtarda Sybaılas jemqorlyqqa qarsy qyzmettiń úsh jyldyq damýynyń Jol kartasy bekitilgen bolatyn. Qujat organ qyzmetiniń barlyq baǵytyn túbegeıli ári is júzinde zamanaýı ózgertýge baǵyttalǵan. Bul - kadr saıasatyn jetildirý, ishki protsesterdi ortalyqtandyrý jáne ishki protsesterdi tsıfrlandyrý, organnyń ashyqtyǵy jáne klıentke baǵdarlanýy, halyqaralyq yntymaqtastyqty kúsheıtý, sonymen qatar aqparattyq qaýipsizdik», - dedi ol.
Onyń aıtýynsha, jol kartasy aıasynda 15 jobany iske asyrý josparlanǵan. Al olardyń tıimdiligi, kóp jaǵdaıda, adamı resýrstarǵa jáne osy jumysty durys uıymdastyrýǵa baılanysty.
«Sondyqtan agenttik tóraǵasy Alık Shpekbaev Ulttyq bıýroda jobalaý keńsesin ashý týraly sheshim qabyldady. Onyń eń basty maqsaty - jol kartasyn sapaly iske asyrý jáne organ qyzmetine jobalaý tásilderin engizý bolyp tabylady. Bizdiń keńse ǵımarattyń 5 - qabatynda ornalasqan. Ekranda bólmelerdiń dızaınyn tolyq kóre alasyzdar, olar kógildir-aq stılde oryndalǵan. Bul túster ashyqtyqtyq, maqsattylyq, tazalyq jáne aıqyndyq maǵynasyn bldiredi», - dedi H.Qoshqalıev.
Shtab jetekshisiniń atap ótýinshe, jobalaý keńsesi «open space» ashyq keńistik qaǵıdaty boıynsha jasalǵan. Onda, tıimdi qarym-qatynas jasaý úshin qandaıda bir kedergiler, onyń ishinde qabyrǵalar joq. Jalpy barlyq kórshiles kabınetter áınektermen bólinip, birkelki stıldegi kabınetterge ózgertilgen. Bul jumys oryndaryn ońtaılandyrdy jáne bólim qyzmetkerlerin bir jerge shoǵyrlandyrýǵa múmkindik berdi.
«Jobalaý keńsesiniń logotıpi 4 áripten turatyn ASPO abbrevıatýrasy túrinde usynylǵan, Anti-corruption Service Project Office (Sybaılas jemqorlyqqa qarsy qyzmettiń jobalyq keńsesi) retinde túsindiriledi. Alǵashqy eki árip kók túste oryndalǵan, ol maqsatqa umtylý, uıymdasý jáne jaýapkershilikti beıneleıdi. Sonymen qatar, kók tús adam oıyn mańyzdy maqsattarǵa shoǵyrlandyrýǵa, alynǵan aqparatty taldaýǵa, ymyraǵa kelýge kómektesedi. Logotıptiń ekinshi bóligi sur tústi. Ol shynshyldyqty, aqyl-oı men úılesimdilikti beıneleıdi», - dedi ol.
