Sybaılas jemqorlyqqa qarsy taqyryptaǵy karıkatýralar baıqaýy jarııalandy
Sybaılas jemqorlyqqa qarsy is-qımyl jónindegi Respýblıkalyq qoǵamdyq keńesi QR Mádenıet jáne sport mınıstrliginiń qoldaýymen sybaılas jemqorlyqqa qarsy taqyryptaǵy karıkatýralar baıqaýyn jarııalady.
Saıysqa 18 pen 29 jas aralyǵyndaǵy QR azamattary, jastar uıymdary, shyǵarmashylyq ujymdar men kreatıvtik stýdııalar qatysa alady.
Baıqaýǵa qatysý úshin arnaıy ótinish jiberip, atalǵan taqyryptaǵy materıal ázirleý qajet. Atap aıtqanda, shyǵarmashylyq jumystar sybaılas jemqorlyqqa qarsy is-áreketterge qatysty ártúrli baǵyttarǵa, jemqorlyqqa qarsy is-áreket pen onyń aldyn alý tásilderimen, jemqorlyq kórinisteriniń paıda bolý sebepterin taldaý jáne ony boldyrmaý úshin moraldyq ustanymdardy keńinen nasıhattaýǵa baılanysty bolýy qajet.
Shyǵarmashylyq jumystardyń elektrondy nemese qoldan jasalǵan nusqalary qabyldanady. Karıkatýranyń elektrondy nusqasy 1:1 masshtabynda, JPEG/TIFF formatynda jasalǵan jáne 300 dpi-dan kem emes keńeıýi bolýy tıis, qolmen jasalǵan jaǵdaıda plakat A3 formatyndaǵy paraqta ázirlenýi qajet. Plakatty jasaýda qoldanylǵan sýret pen kompıýterlik grafıka mindetti túrde avtorlyq bolýy tıis.
Úzdik jumystar dıplomdarmen, aqshalaı jáne qundy júldelermen, marapattalady. Baıqaýdyń jalpy syıaqy qory 300 000 teńgeni quraıdy. Birinshi oryn alǵan jeńimpaz 120 000 teńge, ekinshi oryn - 100 000 teńge, úshinshi oryn - 80 000 teńgege ıe bolady.
Baıqaýǵa qatysatyn jumystar 2015 jylǵy 20 qyrkúıekke deıin prostrana@nurotan.kz elektrondy meken-jaıǵa nemese «Nur Otan» partııasynyń Ortalyq apparatyna (Astana qalasy, Qonaev kóshesi 12/1, 1-qabat, 104-kabınet, Partııalyq baqylaý qyzmeti, tel. +7(7172) 707-609) «Sybaılas jemqorlyqqa qarsy taqyryptaǵy karıkatýralar baıqaýy» belgisimen usynylady.
Baıqaý qorytyndylaryn aǵymdaǵy jylǵy 30 qyrkúıekke deıin shyǵarý josparlanǵan. Baıqaý erejesi jáne jan-jaqty aqparatpen www.nurotan.kz (http://nurotan.kz/kz/news/10688 ) saıtynda tanysýǵa bolady.
