Sybaılas jemqorlyqqa qarsy strategııanyń iske asyrylý barysyn keshendi tekserý bastaldy
Atap aıtqanda, Agenttik Tóraǵasynyń birinshi orynbasary Oljas Bektenov Aqmola oblysyna jumys sapary aıasynda respýblıkalyq jáne jergilikti joldardy, sondaı-aq Stepnogorsk qalasy, Shortandy, Atbasar, Esil jáne Jaqsy aýdandaryndaǵy servıstik ákimdikterdiń qyzmetin tekserdi.
Jurtshylyq ókilderimen birge jol jaǵdaıyna monıtorıng júrgizý barysynda Jol aktıvteri sapasynyń Ulttyq ortalyǵy fılıalynyń basshysy problemalyq máseleler týraly aıtyp berdi. Antıkor tóraǵasynyń birinshi orynbasary oblystyq jol basqarmasy basshysynyń nazaryn anyqtalǵan kemshilikter men sybaılas jemqorlyq táýekelderin joıý qajettigine aýdardy.
O.Bektenov Stepnogorsk qalasy ákimdiginiń janyndaǵy sybaılas jemqorlyqqa qarsy is-qımyl máseleleri jónindegi komıssııanyń otyrysyna qatysý barysynda qalalyq ákimdiktiń sybaılas jemqorlyqqa qarsy jumysyndaǵy, sonymen birge sybaılas jemqorlyq táýekelderin zerdeleý men joıýdaǵy formalızmdi atap ótti. Atap aıtqanda, spıker qalanyń bilim berý júıesindegi sybaılas jemqorlyqtyń júıeli faktilerin atap ótti - 2020 jyly qalalyq bilim bóliminiń jeti qyzmetkeriniń úsheýi jaýapkershilikke tartylǵan.
O. Bektenov aǵymdaǵy jyldyń 5 sáýirinen bastap ÁQBtK-ne jańa túzetýler engizilgennen keıin Agenttik qylmystyq-quqyqtyq quraldarmen qatar qarjylyq jáne mansaptyq sanktsııalar kózdelgen ákimshilik sybaılas jemqorlyq quqyq buzýshylyqtar boıynsha belsendi jumys istep jatqanyna basa nazar aýdardy.
«Memlekettik organdar basshylary men ózge de laýazymdy tulǵalardyń sybaılas jemqorlyqqa qarsy is-qımyl boıynsha sharalar qabyldamaǵany úshin jaýapkershiligin kózdeıtin ÁQBtK-niń 680-babyna aıtarlyqtaı aldyn alý áleýeti engizilgen. Osy bap boıynsha 100 AEK mólsherinde aıyppul salynady. Sonymen qatar, osy ákimshilik sybaılas jemqorlyq quqyq buzýshylyqty jasaý úsh jyl boıy qalpyna keltirý quqyǵynan aıyra otyryp, teris sebepter boıynsha memlekettik qyzmetten bosatýǵa ákep soǵady», – dep atap ótti O.Bektenov.
«Halyq únine qulaq asatyn memleket» tujyrymdamasy aıasynda O.Bektenov 11 azamatty jeke máseleleri boıynsha qabyldady. Azamattardy qabyldaý barysynda Stepnogorsk qalasynyń turǵyndary memlekettik qyzmetterdi alýdyń qoljetimdiligi men Aqsý aýylyndaǵy avtojoldardyń sapasyna qatysty shaǵym bildirdi.
Jaqsy kentinde shaǵymdanýshylardyń ótinishteri sýbsıdııalar berý jáne zańnama normalaryn túsindirý máselelerine qatysty boldy. Azamattardy mundaı qabyldaý Shortandy, Atbasar jáne Esil aýdandarynda da ótkizildi. O.Bektenov kelip túsken ótinishterdi sheshý boıynsha Agenttiktiń aýmaqtyq departamentine tapsyrmalar men tıisti qyzmetterge usynymdar berip, olardyń oryndalýyn baqylaýǵa aldy.
Agenttik tóraǵasynyń orynbasary Dmıtrıı Malahov Qostanaı oblysy ákimdigi janyndaǵy sybaılas jemqorlyqqa qarsy is-qımyl máseleleri jónindegi komıssııanyń jumysyna qatysty. Óńir basshysy Arhımed Muhambetovtiń tóraǵalyǵymen ótken is-sharada oblystyq basqarmalardyń Sybaılas jemqorlyqqa qarsy strategııany iske asyrý týraly esepteri tyńdaldy.
D. Malahov óz sózinde oblystyń birqatar aýdandary men basqarmalarynyń basshylaryna sybaılas jemqorlyqqa qarsy monıtorıngtiń jáne táýekelderdi taldaý sapasynyń álsizdigine nemese múldem bolmaýyna qatysty narazylyq bildirdi. Óz kezeginde óńir basshysy atalǵan problemalyq máselelerdi qysqa merzimde pysyqtaýdy tapsyrdy.
Sondaı-aq, Antıkor basshysynyń orynbasary oblystyń densaýlyq saqtaý basqarmasynda óńirdiń barlyq bas dárigerleriniń qatysýymen onlaın-keńes ótkizip, olarǵa sybaılas jemqorlyqqa qarsy is-qımyl máseleleri jónindegi zańnamadaǵy sońǵy jańalyqtardy jetkizdi.
Tobyl qalasy men Altynsarın aýdanyn aralaý barysynda D.Malahov bes azamatty qabyldady. Shaǵymdanýshylardyń suraqtary balalar alańdarynyń qurylysyna, Zarechenskoe aýylynda sý qubyryn ótkizýge, Jambyl kentin gazdandyrýǵa qatysty boldy. Jergilikti atqarýshy organdar ótinish berýshilerge naqty merzimder men oryndaýshyny kórsete otyryp, barlyq máselelerdi sheshýge ýáde berdi. Óz kezeginde Agenttik tóraǵasynyń orynbasary olardyń oryndalýyn baqylaýǵa aldy.
D.Malahov Áýlıekól aýdanyna da barady, onda servıstik ákimdiktiń jumysyn tekserip, front-ofıstiń jumysymen tanysady jáne azamattardy qabyldaıdy.
Agenttik Tóraǵasynyń orynbasary Nurlan Shabdar Qaraǵandy oblysyna sapary barysynda oblystyq «Ashyq akimat» qyzmetimen tanysty. Sybaılas jemqorlyq táýekelderi turǵysynan óńirdiń mádenı obektilerin qaıta qurý barysyna jáne bıýdjet qarajatyn tıimdi, utymdy paıdalanýǵa erekshe nazar aýdaryldy.
Azamattardy qabyldaý barysynda N. Shabdar Jezqazǵan qalasy men Ulytaý aýdanynyń turǵyndarymen kezdesti. Shaǵymdanýshylardyń ótinishteri jer telimderin bólýge, jastardy turǵyn úımen qamtamasyz etýge jáne t.b. qatysty boldy.
Agenttik ókilderi aýdandar men qalalardy aralaýmen qatar, aýyldar men kentterdiń turǵyndarymen sybaılas jemqorlyqqa qarsy saıasatty túsindirý boıynsha kezdesýler ótkizdi.
Jalpy, barlyq is-sharalar sanıtarlyq-epıdemıologııalyq normalardy saqtaı otyryp, kóbine onlaın formatta ótkizilýde.
