Sybaılas jemqorlyqqa qarsy qyzmettiń qyzmetkeri atyn jamylǵan alaıaq ustaldy
«Sybaılas jemqorlyqqa qarsy qyzmettiń Pavlodar oblystyq departamenti ózin Sybaılas jemqorlyqqa qarsy is-qımyl agenttiginiń qyzmetkerimin dep tanystyrǵan Ekibastuz qalasynyń turǵynyn ustady. Alaıaq belgili shema boıynsha áreket etken», - dedi ol.
Tergeýshiniń aıtýynsha, ol azamattyń senimine kirý arqyly oǵan qatysty quqyq qorǵaý organdary tarapynan qylmystyq is tirkelgendigi nemese tekserý júrgizilgendigi týraly habarlaǵan. Sonymen qatar qylmystyq qýdalaýdy toqtatýǵa járdemdesýge daıyn ekendigin bildirgen.
«Qylmystyq isti toqtatýdy syltaýratyp, oǵan sybaılas jemqorlyqqa qarsy qyzmet jáne basqa da quqyq qorǵaý organdarynyń qyzmetkerlerine tabystaý úshin 300 000 teńge qarajatyn berýdi talap etken. Sol arqyly bılik ınstıtýttaryna senimsizdik týdyrý túrinde memleketke zııan keltirgen. Eger atalǵan aımaqtyń azamattary alaıaqtyń is-áreketterinen zardap shekken bolsa, onda bizge kelesi telefondar arqyly dereý habarlasýyn ótinemiz: 8 (7182) 37-85-86 jáne 37-85-87», - dedi Qaısar Barjaqsynov.
