Sybaılas jemqorlyqqa qarsy qyzmet «SQ-Farmatsııanyń» qoımasyn tekserdi
NUR-SULTAN. QazAqparat – «Astana – adaldyq alańy» jobasy aıasynda Nur-Sultan qalasyndaǵy sybaılas jemqorlyqqa qarsy qyzmet dárilik zattar men medıtsınalyq buıymdar saqtalatyn «SQ-Farmatsııa» logıstıkalyq habyna monıtorıng júrgizdi, dep habarlaıdy QazAqparat tilshisi.
Elordalyq biryńǵaı dıstrıbıýtor 85 memlekettik medıtsınalyq uıymdy dári-dármekpen tegin qamtamasyz etedi. Qoımanyń jalpy aýmaǵy 6,5 myń sharshy metrdi quraıdy, onda dári-dármekti saqtaýǵa qajetti muzdatqysh kameralary, bólingen aımaqtar, belgili bir temperatýralyq rejım syndy barlyq jaǵdaı qamtylǵan.
«Nur-Sultan qalasyndaǵy Biryńǵaı dıstrıbıýtor arqyly Soltústik Qazaqstan, Pavlodar, Aqmola, Qaraǵandy, Qostanaı oblystary jáne Nur-Sultan qalasyndaǵy 85 medıtsınalyq uıym qamtamasyz etiledi. Onyń ishinde 5 respýblıkalyq klınıka men 80 qalalyq mańyzy bar medıtsınalyq uıym bar. Bizde dári-dármek bir jyldan eki jylǵa deıin saqtalady. Shilde aıynda vedomstvoaralyq komıssııanyń qaýlysy boıynsha 44 ataýdan turatyn dári-dármektiń azaımaıtyn qoryn qurý týraly tapsyrma berildi. Jeltoqsan aıynda Densaýlyq saqtaý mınıstrliginiń tapsyrmasymen, úsh dárilik zat bir preparatqa aýystyryldy, bir preparat – «Remedısıvır» koronavırýsty emdeý protokolynan shyǵaryldy. Sol sebepti, qazir 44 ataýdyń 40-y saqtalýda. Dáriler boıynsha tapshylyq joq. Munda eki aılyq dári-dármekter qory qurylǵan», - «SQ-Farmatsııa» JShS Basqarýshy dırektory – Basqarma múshesi Aımuart Salıev elordalyq habta ótken monıtorıngte.
Uıymnyń habarlaýynsha, azaımaıtyn qordyń eń tómengi tólemi eki aılyq bolýy kerek. ıAǵnı aı saıyn keminde 60 myń patsıentti emdeýge jetkilikti dári-dármek bolýy kerek. ıAǵnı, bul qordan qandaı da bir dári óńirlerge jiberilse, dereý tolyqtyrylyp otyrýy kerek.
Qazirgi ýaqytta pandemııa kezinde «SQ-Farmatsııa» qoımalarynyń jumysy ózgergen. Jumysshylar táýlik boıy úzilissiz birneshe aýysymmen jumys isteıdi. Kelgen dári-dármek qoımada kóp jatpaı, birden úılestirilip, tıeledi.
Sonymen birge, QR Sybaılas jemqorlyqqa qarsy is-qımyl agenttiginiń elordalyq departamentindegi preventsııa jáne parasattylyq basqarmasynyń basshysy Marat Haırýllın monıtorıngti qorytyndylady.
«Búgin «Astana – adaldyq alańy» jobasy aıasynda «SQ-Farmatsııa» qoımalarynyń dárilik zattarmen jáne qorǵanysh quraldarymen qamtamasyz etý qyzmetine monıtorıng júrgizdik. «SQ-Farmatsııa» uıymy keltirgen derekterge sáıkes, qoımada tótenshe jaǵdaılarǵa, onyń ishinde koronavırýs ınfektsııasyna arnalǵan qor bar. Ózderińiz biletindeı, pandemııanyń basynda dári-dármekpen qamtamasyz etý júıesiniń jetkilikti deńgeıde bolmaǵany aıtylyp edi. Qazir jaǵdaıdyń túzelgenin kórip otyrmyz, barlyq dári-dármek jetkilikti, densaýlyq saqtaý qyzmetkerleri jeke qorǵanys quraldarymen jabdyqtalǵan.
Monıtorıngtiń negizgi maqsaty – sybaılas jemqorlyq faktilerine jol bermeý, onyń ishinde qoǵamdy memlekettik uıymdar jumysyn baqylaýǵa tartý. Búgingi tekserý boıynsha eskertýler bolǵan joq, «SQ-Farmatsııa» densaýlyq saqtaý nysandaryna jiberiletin barlyq josparly shyǵyndar týraly málimetti berdi», - deıdi Marat Haırýllın.
