Sybaılas jemqorlyqqa qarsy qyzmet Abaı tigin fabrıkasymen kelisimge qol qoıdy
Osylaısha sybaılas jemqorlyqqa qarsy qyzmet ókilderi óńir bıznesine sózben ǵana emes, is júzinde qoldaý kórsetýde, dep habarlaıdy QazAqparat tilshisi.
Agenttiktiń ózine alǵan mindeti – Qazaqstanda qolaıly ınvestıtsııalyq ahýal qalyptastyrý bolyp tabylady. Osyǵan baılanysty 2018 jyly bıznesti jáne ınvestıtsııalardy qorǵaý boıynsha Protecting Business and Investments jobasy iske qosyldy. Elimizdiń barlyq óńirlerinde arnaıy front-keńseler ashyldy.
Kelisim aıasynda QR Sybaılas jemqorlyqqa qarsy is-qımyl Agenttiginiń departamenti kásipkerdi josyqsyz sheneýnikter tarapynan bıýrokratııalyq jáne sybaılas jemqorlyqqa qol suǵýshylyqtan qorǵap, zańnama aıasynda týyndaıtyn túıtkildi máselelerdi sheshe otyryp, onymen birge júredi.
Shilde aıynyń ortasynda «Stejok» JShS basshysy Nurhan Jumabekov departament mamandarynan kómek surady. Sybaılas jemqorlyqqa qarsy vedomstvo men Memlekettik kirister departamenti ókilderiniń qatysýymen keńes ótti. Kelissózder nátıjesinde «Stejok» JShS ınvestıtsııalyq jobasyn sybaılas jemqorlyqqa qarsy súıemeldeý týraly kelisimge qol qoıyldy.
«Saryarqa adaldyq alańy» jobasy aıasynda biz Abaı qalasynyń tigin fabrıkasymen shart jasastyq. Sonymen qatar, biz PBI jobasy boıynsha kásipkerlermen jáne saýda uıymdarymen 56 kelisim jasastyq», – dep túsindirdi «Saryarqa adaldyq alańy» jobalyq keńsesiniń basshysy Malıka Qusenbaeva.
Kásipker úshin kelisimniń jalǵyz talaby sybaılas jemqorlyqqa qarsy zańnamany saqtaı otyryp, adal bıznes júrgizý mindettemesi bolyp tabylady.
Sybaılas jemqorlyqqa qarsy qyzmet departamentiniń mamandary árdaıym jergilikti kásipkerlerge qoldaý kórsetýge daıyn. Barlyq suraqtar boıynsha Qaraǵandy qalasy, Álıhanov kóshesi, 12 meken-jaıy boıynsha ornalasqan ANTIKORORTALYGY sybaılas jemqorlyqqa qarsy ortalyǵyna habarlasýǵa bolady. Telefony: (8-7212) 91-36-80
