Sybaılas jemqorlyqqa qarsy kúresti kúsheıtýge baǵyttalǵan zań jobasyna Senat engizgen túzetýler boıynsha sheshim shyǵaryldy
ASTANA. Qarashanyń 3-i. QazAqparat /Aıdyn Báımen/ - Parlament Senaty engizgen túzetýler naqtylaý sıpatynda jáne zań jobasynyń tujyrymdamalyq negizin ózgertpeıdi.
«Qazaqstan Respýblıkasynyń keıbir zańnamalyq aktilerine sybaılas jemqorlyqqa qarsy kúresti odan ári kúsheıtý máseleleri boıynsha ózgerister men tolyqtyrýlar engizý týraly» zań jobasyna Senat engizgen ózgerister men tolyqtyrýlar boıynsha Májilistiń Zańnama jáne sot-quqyqtyq reforma komıtetiniń shyǵarǵan qorytyndysynda osylaı atap ótilgen, dep habarlaıdy QazAqparat.
Zań jobasynda sybaılas jemqorlyqqa qarsy kúresti kúsheıtý maqsatynda uıymdasqan toptyń nemese qylmystyq uıymnyń múddesi úshin jasalǵan laýazymdyq ókilettikterdi teris paıdalanǵany úshin jaýapkershilikke tartý kózdelgen.
Zań jobasy erteń, qarashanyń 4-i kúni ótetin Palatanyń jalpy otyrysynyń talqysyna shyǵarylady dep kútilip otyr. Májilistiń Zańnama jáne sot-quqyqtyq reforma komıteti Senat engizgen túzetýlermen kelisý jóninde usynys jasady.
