Sybaılas jemqorlyqqa qarsy kúres saıasatyn iske asyrý- búkilhalyqtyq mindet
Bizdiń memleketimizde sybaılas jemqorlyqpen kúresýge baǵyttalǵan negizgi normatıvtik quqyqtyq akt - Qazaqstan Respýblıkasynyń «Sybaılas jemqorlyqpen kúres týraly» Zańy qabyldandy, sonymen qatar Qazaqstannyń 2030 jylǵa deıingi damý strategııasy jasalyp, ol qoǵam ómirinde sátti túrde júzege asyrylýda. Memleket basshysynyń bul máselege qatysty birneshe Jarlyqtary qabyldandy. Budan da bólek Elbasy N.Á. Nazarbaev jyl saıynǵy halyqqa Joldaýynda bul máselege erekshe toqtalatynyn da aıtsaq bolady.
Jalpy, sybaılas jemqorlyq óte qaýipti jaǵymsyz áleýmettik kórinisterdiń biri bolyp tabylady. Ol ekonomıkalyq zańdardyń erkin áreketin birshama deńgeıde shekteıdi jáne elimizdiń álemdik qoǵamdastyq aldyndaǵy bedelin tómendetedi, elimiz úshin paıdaly sheteldik ınvestıtsııalardyń jolyndaǵy basty kedergilerdiń biri bolyp tabylady.
Ásirese, sybaılas jemqorlyq memlekettik organdarynda qaýipti bolyp esepteledi. Bul jaǵdaıda ol memlekettik qyzmetshilerdiń sheshim qabyldaýda bedelin túsiretin ókilettiliginiń jáne qatań quqyqtyq esep berýdiń, sheneýnikterdi qadaǵalaýdyń joqtyǵynan bıliktiń monopolııaǵa aınalýyna ákelip soqtyrady. Ol elimizdiń, qoǵamymyzdyń jáne jekelegen azamattardyń múddelerine kóp zııan keltiredi.
Sondyqtan Elbasymyz N.Á.Nazarbaev «sybaılas jemqorlyqqa qarsy kúresti Qazaqstan Respýblıkasyndaǵy memlekettik saıasattyń basym baǵyttarynyń biri» dep atap kórsetken bolatyn.
«Sybaılas jemqorlyqqa qarsy kúres týraly» Zańǵa sáıkes memlekettik mindetterdi atqaratyn adamdardyń, sondaı-aq solarǵa teńestirilgen adamdardyń laýazymdyq ókilettigin jáne soǵan baılanysty múmkindikterin paıdalana otyryp ne múliktik paıda alý úshin olardyń óz ókilettikterin ózgeshe paıdalanýy, jeke ózi nemese deldaldar arqyly zańda kózdelmegen múliktik ıgilikter men artyqshylyqtar alýy, sol sııaqty bul adamdarǵa jeke jáne zańdy tulǵalardyń atalǵan ıgilikter men artyqshylyqtardy quqyqqa qarsy berýi arqyly olardy satyp alýy «sybaılas jemqorlyq» dep uǵynylady. Qazaqstan Respýblıkasynyń «Sybaılas jemqorlyqqa qarsy kúres týraly» zańy eń pármendi zańdardyń biri bolyp tabylady.
Búgingi tańda bul zań osy birneshe jyl ishinde joǵary mańyzǵa ıe bolyp, memlekettik qyzmetshiniń kúndelikti paıdalanatyn oqý quralyna aınalyp otyr. Zańnyń eń basty qundylyǵy, ol azamattardyń quqyqtary men bostandyqtaryn qorǵaýǵa, Qazaqstan Respýblıkasynyń ulttyq qaýipsizdigin jemqorlyq kórinisterinen týyndaıtyn qaýipten saqtaýǵa, sondaı-aq jemqorlyqqa baılanysty quqyq buzýshylyqtyń aldyn alý, anyqtaý, tyıý jáne ashý jolynda memlekettik organdardyń qyzmetin qamtamasyz etýge baǵyttalǵan. Óz kezeginde barlyq memlekettik organdar men laýazymdy tulǵalar óz quzyretteri sheginde sybaılas jemqorlyqqa qarsy kúres júrgizýge mindetti.
«Sybaılas jemqorlyqqa qarsy kúres týraly» QR Zańy salyq organdarynyń jumys barysynda asa mańyzdy qujat ekeni aıqyn. Jalpy salyq organdaryn el ekonomıkasynyń «kúretamyry» dep aýyz toltyryp aıtýǵa bolady. Mine, memlekettiń ekonomıkalyq saıasatynyń mańyzdy tetigi bolyp otyrǵan salada da sybaılas jemqorlyqpen kúres basym baǵyt retinde belgilenýi tıis jáne solaı jasalyp ta otyr. Qazirgi ýaqytta elimizdegi bul salada barlyq zańdar zaman talabyna ıkemdelip, kásipkerlerdiń respýblıka aımaǵynda erkin ári ashyq túrde jumys atqarýyna qolaıly jaǵdaı týǵyzylyp otyr.
Bostandyq aýdany boıynsha salyq basqarmasy Memlekettiń ekonomıkalyq salasynyń bir tarmaǵy retinde sybaılas jemqorlyqqa qarsy kúreske basa kóńil aýdaryp otyr. Osy jaǵdaılarmen kúrestiń tıimdi nátıjesi salyq qyzmeti organdarynda jemqorlyq quqyq buzýshylyqtardy bultartpaý jáne ony boldyrmaý jóninde keshendi sharalar qabyldaýdy talap etedi. Osy oraıda bizdiń basqarmada sybaılas jemqorlyqpen kúres máseleleri boıynsha jumys isteıtin komıssııa músheleriniń qatysýymen jıyndar ótip, quqyq qorǵaý organdarymen yntymaqtasyp, ózara is-qımyl áreketteri jandandyryldy. Sonymen qatar mekememizde salyq tóleýshiler úshin semınarlar, kezdesýler, «dóńgelek ústel» jıyndaryn ótkizý, BAQ-ta materıaldar jarııalaý arqyly túsindirme jumystary dástúrli túrde júrgiziledi. Al «Nur-Otan» halyqtyq demokratııalyq partııasynyń Almaty qalasy Bostandyq aýdandyq fılıalymen birigip jeke tulǵalar jáne zańdy tulǵalardyń ókilderin qabyldaý turaqty qolǵa alynǵan.
Jalpy, qoǵamdaǵy qandaı da bolsyn keleńsizdiktiń aldyn alýdy árbir azamat ózinen bastaǵan jón dep esepteımin. Bul rette, men ózin otanymyzdyń patrıotymyn dep esepteıtin árbir zamandasyma aıtarym, elimizdiń bıik belesterdi baǵyndyrýy, memleketimizdiń 50 damyǵan elderdiń qataryna kirýi syndy asyl murattarǵa qol jetkizýimiz bizdiń otan aldyndaǵy eńbegimizdi adal atqarýymyzben tikeleı baılanysty.
Ásel Qudaıbergen
Almaty qalasy Bostandyq aýdany boıynsha
Salyq basqarmasynyń bas mamany - bas salyq ınspektory
