Sybaılas jemqorlyqqa qarsy kúres agenttigi ashyq dıalogqa daıyn - Arman Berdalın
QYZYLORDA. QazAqparat - Memlekettik qyzmet isteri jáne sybaılas jemqorlyqqa qarsy is-qımyl agenttiginiń jurtshylyqpen ashyq dıalog qurýǵa daıyn. Bul týraly osy vedomstvonyń jurtshylyqpen baılanys jónindegi departamentiniń dırektory Arman Berdalın Qyzylordaǵa sapary barysynda aıtty, dep habarlady QazAqparat tilshisi.
Sapar aıasynda Agenttik ókili Qyzylorda qalasy, Jalaǵash jáne Syrdarııa aýdandarynyń turǵyndarymen, onyń ishinde memlekettik qyzmetshilermen, qoǵamdyq uıymdardyń ókilderimen jáne stýdentterimen kezdesý ótkizdi.Memlekettik qyzmetshilermen kezdesý barysynda ol qazirgi tańda memlekettik qyzmetshilerdiń quqyqtary men zańdy múddelerin qorǵaý Agenttiktiń kadrlyq saıasatynyń negizgi basymdyqtarynyń biri bolyp tabylatyndyǵyn atap ótti.
Departament dırektorynyń aıtýynsha, osy jyldan bastap Agenttik memlekettik qyzmetshilerdiń quqyqtarynyń buzylýyna baılanysty oqıǵalarǵa taldaý jasap, turaqty baqylaýda ustaıtyn bolady. Mysalǵa, basqarmanyń qurylymynyń ózgerýi men qaıta uıymdastyrylýy barysyndaǵy memlekettik qyzmetshilerdiń eńbektik quqyqtary, demalys berý jáne sáıkestendirilgen tólemder jasaý sheshimin tappaq.
Munan ózge ol memlekettik kórsetiletin qyzmetterdi ońtaılandyrý, olardy azamattardy memlekettik qyzmet kórsetetin ınstıtýttarmen tikeleı qarym-qatynasqa ákeletin múmkindikterdi joıatyn elektrondy úlgige aýystyrý týraly da áńgimeledi.
Búgingi kúni tizilimdegi memlekettik kórsetiletin qyzmettiń 447-si «elektrondy úkimet» portaly arqyly qoljetimdi. Bul ýaqytty únemdeýge jáne qyzmetti kez kelgenyńǵaıly ýaqytta alýǵa múmkindik beredi.
Budan bólek, bıylǵy jyldan bastap azamattarǵa meken-jaı, jyljymaıtyn múlikke tirkelgen quqyqtar, múliktiń joqtyǵy nemese bar bolýy týraly anyqtamalardy memlekettik organdarǵa usynýdyń qajeti joq.
Arman Berdalın Agenttiktiń halyqpen ashyq dıalog qurýǵa daıyn ekenin aıtty.»Azamattar men memlekettik qyzmetshiler Agenttik tóraǵasymen onyń Feısbýk áleýmettik jelisindegi jeke paraqshasy arqyly tikeleı baılanys ornata alady»,- dedi ol.
