Sybaılas jemqorlyqqa qarsy is-qımyl ulttyq bıýrosynyń Qyzylorda oblysy boıynsha departamentine jańa basshy taǵaıyndaldy

ASTANA. QazAqparat - Búgin, 9 qarashada Qyzylorda oblysynyń ákimi Qyrymbek Kósherbaev aktıv otyrysynda Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Sybaılas jemqorlyqqa qarsy is-qımyl ulttyq bıýrosynyń Qyzylorda oblysy boıynsha departamentiniń basshysy laýazymyna taǵaıyndalǵan Áshirbaev Ádilhan Qasymhanulyn tanystyrdy, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Á.Áshirbaev 1978 jyly týǵan. M.Áýezov atyndaǵy Ońtústik Qazaqstan memlekettik ýnıversıtetin «ekonomıkalyq kıbernetıka» jáne «Mıras» ýnıversıtetin «quqyqtaný» mamandyqtary boıynsha bitirgen.

Eńbek jolyn 1999 jyly Qazaqstan Respýblıkasynyń Ádilet mınıstrligi Sot aktilerin oryndaý komıtetiniń Soltústik Qazaqstan oblysy boıynsha departamentiniń mamany retinde bastaǵan.

2002-2014 jyldary Qazaqstan Respýblıkasy Ulttyq qaýipsizdik komıtetiniń Soltústik Qazaqstan oblysy boıynsha departamentinde jaýapty qymetter atqarǵan.

2014-2016 jyldary Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Batys Qazaqstan oblysy boıynsha departamentiniń basshysy.

Qurylymdyq ózgeristen keıin 2016 jyldyń qańtar aıynan Sybaılas jemqorlyqqa qarsy Ulttyq bıýrosynyń Batys Qazaqstan oblysy boıynsha departamentiniń basshysy.