Sybaılas jemqorlyqqa qarsy is-qımyl týraly zań jobalary qaraldy

Zań jobasy sybaılas jemqorlyqqa qarsy is-qımyl salasyndaǵy qoǵamdyq qatynastardy quqyqtyq retteýge, sondaı-aq sybaılas jemqorlyqqa qarsy saıasatyn iske asyrýǵa baǵyttalǵan.

Zań jobasyna sáıkes sybaılas jemqorlyqqa qarsy is-qımyl júıeli sharalarǵa negizdeletin bolady, olar: sybaılas jemqorlyqqa qarsy is-qımyl salasynda quqyq qoldaný praktıkasyn baǵalaý maqsaty bolyp tabylatyn sybaılas jemqorlyqqa qarsy monıtorıngti, sybaılas jemqorlyqtyń paıda bolýyna yqpal etetin sebepter men jaǵdaılardy anyqtaýǵa jáne zerdeleýge baǵyttalǵan sybaılas jemqorlyq táýekelderin ishki jáne syrtqy taldaýdy; bilim berý, aqparattyq jáne uıymdastyrý sıpatyndaǵy ózge de is-sharalar keshenine negizdelgen sybaılas jemqorlyqqa qarsy mádenıetti qalyptastyrýdy qamtıdy. Aktıvter men mindettemeler týraly deklaratsııany, sondaı-aq kirister men múlik týraly deklaratsııany qamtıtyn qarjylyq baqylaý is-sharalary da kózdelgen. Jekelegen normalar sybaılas jemqorlyqqa baılanysty shekteýler máselelerin retteıdi.

Jaýapty memlekettik laýazymdardy atqaratyn adamdardyń, memlekettik fýnktsııalardy oryndaýǵa ýákilettik berilgen adamdardyń, olarǵa teńestirilgen adamdardyń (Qazaqstan Respýblıkasynyń Prezıdenttigine, Qazaqstan Respýblıkasy Parlamentiniń nemese maslıhattarynyń depýtattyǵyna, aýdandyq mańyzy bar qalalardyń, kentterdiń, aýyldardyń, aýyldyq okrýgterdiń ákimdigine, sondaı-aq jergilikti ózin-ózi basqarý saılanbaly organdarynyń músheligine kandıdattardy qospaǵanda), laýazymdy adamdardyń, sondaı-aq kórsetilgen fýnktsııalardy oryndaýǵa ýákilettik berilgen kandıdattar bolyp tabylatyn adamdardyń óz ókilettikterin jeke, toptyq jáne ózge de qyzmettik emes múddelerde paıdalanýyna ákep soǵýy múmkin teris paıdalanýǵa jáne áreketterdi jasaýǵa jol bermeý maqsatynda, olar ózderine shekteýlerdi jazbasha nysanda qabyldaýǵa mindetti.

Jurtshylyqtyń sybaılas jemqorlyqqa qarsy is-qımyl máselelerine qatysýyna baılanysty zań jobasymen jeke tulǵalar, uıymdar jáne ózge zańdy tulǵalar qoldanýy múmkin sharalar kózdelip otyr, olar: sybaılas jemqorlyq quqyq buzýshylyqtardyń jasalǵany týraly belgili faktileri týraly habarlama; sybaılas jemqorlyqqa qarsy is-qımyl týraly zańnamany jetildirý jóninde usynystar engizý; sybaılas jemqorlyqqa qarsy mádenıetti qalyptastyrýǵa qatysý; sybaılas jemqorlyqqa qarsy is-qımyldyń ózge de sýbektilermen ózara is-áreket; ǵylymı jáne áleýmettanýshylyq zertteýler jáne Qazaqstan Respýblıkasynyń zańnamasyna qaıshy kelmeıtin jurtshylyq úshin qoljetimdi ózge de is-sharalardy júrgizý.

Komıtet otyrysynda sondaı-aq «Qazaqstan Respýblıkasynyń keıbir zańnamalyq aktilerine sybaılas jemqorlyqqa qarsy is-qımyl máseleleri boıynsha ózgerister men tolyqtyrýlar engizý týraly» zań jobasy da qaraldy.

Bul zań jobasymen birqatar zańnamalyq aktilerine ózgerister men tolyqtyrýlar engiziledi. Onyń jekelegen erejeleri sybaılas jemqorlyqqa qarsy is-qımyl týraly negizgi zań jobasynyń normalaryna sáıkes jańadan qabyldanǵan uǵymdarmen jáne olardyń túsiniktemelerimen baılanysty bolyp otyr.

Zań jobalary Palatanyń qaraýyna jiberildi.