Sybaılas jemqorlyq jasaý táýekeli joǵary laýazymdar tizimi keńeıtilmek - Qorǵanys mınıstrligi
Qarýly Kúshterdegi sybaılas jemqorlyq qylmystary 2011 jyldan beri qaraı 46 paıyzǵa ıaǵnı 41-den 22 paıyzǵa tómendegen. Sybaılas jemqorlyqqa qarsy turý jáne barlyq áskerı basqarý organdarynyń jumysyn úılestirý boıynsha oń nátıjege qol jetkizý maqsatynda 2014 jyly Qarýly Kúshterde sybaılas jemqorlyqqa qarsy áreket etý jumystarynyń tıimdiligin arttyrý jónindegi negizgi is-sharalar Jospary bekitildi. Josparda sybaılas jemqorlyq quqyq buzýshylyq jasaý táýekeli joǵary laýazymdar tizimin keńeıtý kózdelip otyr. Osyndaı laýazymdarǵa qabyldaýǵa jáne olardy atqarýǵa erekshe joǵary talaptardy belgileý, olardan sybaılas jemqorlyqqa qarsy zańnama talaptaryn saqtaý boıynsha tekserýler júrgizý tetikterin qoldaný múmkindigi týraly mindettemeler qabyldaý josparlanǵan. Bul rette ondaı tekserýden óte almaǵan adamnyń áskerı qyzmetti jalǵastyrý máselesi qaralatyn bolady. Sonymen qatar, paıdalaný merzimi men konstrýktıvtik sıpattamalaryn eskere otyryp, áskerı-tehnıkalyq múlik standarttaryn ázirleý (kıim-keshek, jıhaz, kazarmalyq qordyń múlki jáne t.b.), memlekettik satyp alýdy uıymdastyrýshy úshin tehnıkalyq tapsyrmalardy daıyndaý kezinde sybaılas jemqorlyqqa jol bermeý, Qarýly Kúshter, ózge de áskerler men áskerı quralymdar áskerı qyzmetshileriniń ar-namys kodeksin ázirleý, joǵary jáne orta áskerı oqý oryndarynda «Sybaılas jemqorlyqqa qarsy kózqaras negizderi» pánin engizý kózdelgen. «Qazirgi ýaqytta Áskerı polıtsııa bas basqarmasy Qorǵanys mınıstrligi men Qarýly Kúshter áskerı qyzmetshilerin sybaılas jemqorlyqqa qarsy zańnamany bilýine testileý ótkizýde», delingen QR QM Baspasóz qyzmetiniń habarlamasynda.