Sybaılas jemqorlyq týraly habarlaǵandar syıaqy aldy - SQO

SQO boıynsha Sybaılas jemqorlyqqa qarsy qyzmettiń málimetinshe, eger kináli adamǵa qatysty ákimshilik jaza qoldaný týraly sot qaýlysy nemese aıyptaý úkimi zańdy kúshine engen bolsa, quqyq buzýshylyq týraly habarlaǵan adamǵa birjolǵy aqshalaı syıaqy tólenedi.
Qazirgi tańda Agenttik halyqaralyq tájirıbeni eskere otyryp, sybaılas jemqorlyq faktileri týraly habarlaǵandarǵa kótermeleýdiń saralanǵan júıesin engizý máselesin qarastyryp jatyr. Máselen para somasy 2,5 mln teńge men 10 mln teńge aralyǵynda bolsa, habarlaǵan adamǵa onyń 10% berilmek.
SQO-da tek tamyz aıynyń sońynda ǵana eki memlekettik qyzmetshi paramen ustaldy. Tımırıazev aýdandyq aýrýhanasy juqpaly aýrýlar bólimshesi ákimshilik ǵımaratynyń syrylýyna jol bermeý maqsatynda kelisilgen 200 myń teńgeniń 100 myń teńgesin alý kezinde aýyldyq okrýg ákimi ustaldy.
Sondaı-aq, Shal aqyn aýdanynyń Veterınarııa bóliminiń basshysy da ákimshilik hattamany toltyrmaı 100 myń teńge para alǵany úshin qolǵa tústi.
Eki memlekettik qyzmetker de óz kinálaryn tolyǵymen moıyndady. Tergeý amaldary júrgizilýde.
Jalpy, jyl bastalǵaly Sybaılas jemqorlyqqa qarsy qyzmet 105 qylmysty anyqtady, onyń ishinde 86-sy sybaılas jemqorlyq faktileri boıynsha. Aıaqtalǵan qylmystyq ister boıynsha keltirilgen shyǵyn 75,7 mln teńge. Qazirgi ýaqytta olardyń 72,2 mln teńgesi bıýdjetke qaıtaryldy.