Sybaılas jemqorlyq faktileri kóp kezdesetin vedomstvolar men óńirler anyqtaldy
ASTANA. QazAqparat - Qarjy, Ádilet jáne Aýyl sharýashylyǵy mınıstrlikteriniń óńirlik qyzmetkerleri sybaılas jemqorlyq quqyq buzýshylyqtaryna kóbirek barady. QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Aıgúl Shaıymova málim etti, dep habarlaıdy QazAqparat.
«Memlekettik qyzmetkerlerdiń jaǵymsyz sebeptermen jumystan bosatylýy máselesi erekshe alańdatady. Olardyń jartysy sybaılas jemqorlyq quqyq buzýshylyqtar úshin qyzmetinen ketti. Negizinen, olar Qarjy, Ádilet jáne Aýyl sharýashylyǵy mınıstrlikteriniń óńirlik qyzmetkerleri. Osy oraıda óńirler boıynsha sybaılas jemqorlyq quqyq buzýshylyqtarynyń eń joǵary úlesi Almaty, Shyǵys Qazaqstan, Mańǵystaý, Qostanaı, Jambyl oblystarynyń qyzmetkerleri tarapynan jasaldy»,-dedi Shaıymova agenttiktiń alqa májilisinde.
Bul turǵyda ol osy baǵyttaǵy zań buzýshylyqtarmen kúresti kúsheıtý máselesine toqtala kele: «Aýmaqtyq departamentter aldyn alý sharalaryna erekshe mán berýi tıis. Osy oraıda sybaılas jemqorlyqqa qarsy barsha múmkindikterdi tolyq paıdalanǵan jón»,-dedi.
