Sybaılas jemqorlyq - demokratııa men turaqtylyqtyń damýyna tóngen qater - BUU Bas hatshysy Pan Gı Mýn
ASTANA. 9 jeltoqsan. QazAqparat - Sybaılas jemqorlyq - demokratııa men turaqtylyqtyń damýyna tóngen qater.
Bul týraly búgin elimizdegi BUU Damý baǵdarlamasynyń baspasóz qyzmeti taratqan BUU Bas hatshysy Pan Gı Mýnniń Halyqaralyq sybaılas jemqorlyqpen kúres kúnine oraı jarııa etken joldaýynda aıtylǵan.
«Sybaılas jemqorlyq - demokratııa men turaqtylyqtyń damýyna tóngen qater. Ol naryq túrin ózgertedi, ekonomıkalyq ósimdi tejeıdi jáne sheteldik ınvestorlardy keri ıteredi. Ol memlekettik qyzmetti álsiretedi jáne sheneýnikterge degen senimdi buzady», - deıdi BUU Bas hatshysy.
Sondaı-aq ol óz joldaýynda búkil álemniń barlyq iskerlik ortasyn jemqorlyqty talqylaýǵa jáne BUU Konventsııasyna sáıkes jemqorlyqpen kúres sharalaryn qabyldaýǵa shaqyrady.
«Halyqaralyq Sybaılas jemqorlyqpen kúres kúnin atap óte otyryp, biz barlyǵymyz damý men beıbitshiliktiń ıgiligi jolyndaǵy ortaq jumystarymyzǵa qajetti qundy resýrstarymyzdyń urlanýynyń aldyn alý, senimdi saqtaý jáne etnıkalyq tájirıbeni nyǵaıtý úshin kúsh-jigerimizdi jumsaýymyz kerek», - deıdi Pan Gı Mýn.
