Sybaılas jemqorlyq - adam saýdasymen kúrestegi eń basty kedergi - Qoǵamdyq qor prezıdenti
ASTANA. 27 qarasha. QazAqparat /Marlan Jıembaı/ - Sybaılas jemqorlyq - adam saýdasymen kúrestegi eń basty kedergi. Bul pikirdi búgin Elordada ótip jatqan EQYU Sammıti qarsańyndaǵy Sholý konferentsııasynyń «Adam saýdasymen kúres» sessııasynda sóz alǵan Halyqaralyq quqyqtyq bastama qoǵamdyq qorynyń prezıdenti Aınash Ormanbaeva bildirdi.
El Úkimetine adam saýdasyna qatysty zań qujattaryn odan ári jetildirý, onyń qurbandaryn júıeli túrde anyqtaý syndy usynystar ázirlegendikterin atap ótken ol: «Bul eń birinshiden quqyq qorǵaý organdaryna qatysty. Olar adam saýdasy qurbandaryn anyqtaý barysynda azamattyq uıymdarymen birlesip jumys isteýi jáne Ortalyq Azııa elderimen adam saýdasyna qatysty memleketaralyq kelisimder jasasýy qajet. Sonymen qatar elimizdegi sybaılas jemqorlyq deńgeıin tómendetý kerek. Óıtkeni ol adam saýdasymen kúreste eń basty kedergi bolyp otyr», - dedi.
Onyń atap ótýinshe, ótken jyly Qazaqstan boıynsha adam saýdasyna qatysty 271 qylmystyq is qozǵalǵan. Al aǵymdaǵy jylǵa ázirshe naqty málimetter joq. Degenmen bul qylmys túriniń elimizde jyldan jylǵa ulǵaıyp kele jatqandyǵy baıqalady. Máselen, 2005- 2006 jyldary sáıkesinshe 16 jáne 25 qylmystyq is qozǵalǵan bolatyn.
Sheshenniń sózine qaraǵanda, adam saýdasyna qoǵamnyń eń álsiz býyn bolyp sanalatyn áıelder men balalar kóp ushyraıdy.
