Sybanbaevany óltirdi degen kúdikke elordalyq azamat ilikti
ASTANA. QazAqparat - Sybanbaevany óltirdi degen kúdikpen elordalyq azamat ustaldy. Bul týraly Astana qalalyq ishki ister departamentiniń baspasóz qyzmetinen habarlady.
«Astana qalalyq ishki ister departamentiniń polıtseıleri azamatsha Sybanbaevany óltirýi múmkin kúdiktini anyqtady. Ol 25 jastaǵy Astana qalasynyń turǵyny bolyp shyqty. Qazirgi ýaqytta sot aldyndaǵy tergeý amaldary aıasynda sharalar júrgizilip jatyr. Oqıǵanyń basqa mán-jaıy tergeý múddesine oraı jarııalanbaıdy», - delingen vedomstvo taratqan aqparatta.
Aıta keterligi, keshe qalalyq ІІD 26 maýsym kúni saǵat 12:00 shamasynda Prıgorodnyı kentiniń janyndaǵy aǵashtardyń arasynda osyǵan deıin iz-tússiz joǵalyp ketken azamatsha Sybanbaevanyń zorlyq belgileri bar máıiti tabylǵanyn, tergeý amaldarynyń barysynda týystary qaıtys bolǵan azamatshany tanyǵanyn jarııa etken bolatyn.
Eske sala ketsek, 9 maýsymda Astana qalasy aýmaqtyq ІІB kezekshi bólimine 18 maýsymda saǵat 03:00-de týysy Baldyrǵan Sybanbaeva «Retro» túngi klýbynan shyǵyp ketip, sodan qaıtyp oralmaǵany jaıly shaǵymdanǵan.
