«Sybaǵa» baǵdarlamasy: Semeıde mal basy ósip keledi
SEMEI. QazAqparat - Semeı qalasynyń sút óndirýshileri óńirdi 40 paıyz sútpen qamtyp otyr. Bul týraly Semeı qalalyq aýyl sharýashylyǵy bóliminiń basshysy Nurlan Shaqabaev aıtty, dep habarlaıdy QazAqparat.
Búginde óńirdegi sharýa qojalyqtar men jeke sharýalar sút óndirýdi birtindep qolǵa alýda. Sondyqtan sút shıkizatynyń basym bóligi qarapaıym turǵyndardyń enshisinde. Aǵymdaǵy jyly oblystyq aýyl sharýashylyǵy basqarmasy turǵyndardan 1125 tonna sút qabyldaý boıynsha meje belgilegen edi. Qazirgi ýaqytta sút qabyldaý jumystary Ozerka, Ertis, Dostyq, Jıenáli, Znamenka, Novobajenovajáne Prırechnyı aýyldyq okrýgterinde qolǵa alyndy.
2018 jylǵy qyrkúıek aıynda 100 sıyrǵa sút-taýarly fermany iske qosý kózdelýde. Jobany aıaqtaý 2019 jylǵa josparlanǵan.
«Nur» ShQ-da jańa joba iske asýda. «Agrarlyq nesıeleý korporatsııasy» AQ fılıalynyń qarajaty esebinen 170,0 mln teńge somasynda jobany qarjylandyrýda.Sharýashylyq qural-jabdyqtardy jetkizýshimen kelisimshartqa sáıkes, búgingi kúni 100 sıyrǵa arnalǵan sút qondyrǵysyn jetkizip jáne montajdaý jumystary júrgizildi»,-dedi Nurlan Shaqabaev.
Sonymen qatar, óńir sharýalary asyl tujymdy mal ósirýge kóp kóńil bólýde. Máselen, óńirde 124 qojalyq mal basyn asyldandyrý baǵytynda jumys atqarýda. Semeı óńiriniń aýyl sharýashylyǵy taýaryn óndirýshiler Reseı Federatsııasyna 350 bas iri qara malyn eksporttaýdy josparlaýda. Bul baǵytta jumys júrgizilip jatyr.
Et ónimderin eksportqa Qytaı memleketine jetkizý de josparda.
«Bıylǵy jyly «Sybaǵa» baǵdarlamasymen «Agrarlyq nesıeleý korporatsııasy» AQ jáne «Aýyl sharýashylyǵyn qarjylaı qoldaý qory» arqyly jeńildetilgen nesıemen mal basyn kóbeıtý jumystary jalǵasýda»,-dedi bólim basshysy.
