«Sybaǵa» baǵdarlamasy aıasynda jyl basynan beri sharýalar 24 myńǵa tarta iri qara satyp aldy -A. Mamytbekov
Búgin «Qazaqstan Respýblıkasynda mal sharýashylyǵyn damytýdyń ózekti máseleleri men perspektıvalary» atty taqyrypta ótken Parlamenttik tyńdaýda Aýyl sharýashylyǵy mınıstri Asyljan Mamytbekov osylaı málim etti.
Mınıstrdiń aıtýynsha, 2011 jyly men 2012 jyldary fermer sharýashylyqtary úshin jospardaǵy 82,0 myń bas iri qaranyń ornyna 115,0 myń bas satyp alynǵan. Sóıtip, jospar 40 paıyzǵa artyq oryndaldy. «Qazirgi tańda josparly kórsetkishter men osy baǵdarlama boıynsha bólingen qarajatty salystyrǵanda da suranystyń artyp otyrǵanyn baıqaýǵa bolady. Sondyqtan da, bıznes qaýymdastyǵy búgingi tańda Elbasynyń tapsyrmasyna oraı qabyldanǵan «Sybaǵa» baǵdarlamasynyń qajettiligin aıqyn sezinip otyr», deıdi A. Mamytbekov.
Onyń aıtýynsha, 2013 jyly fermer sharýashylyqtarymen 42 myń bastan kem bolmaıtyn iri qara mal satyp alý josparlanǵan. Al maýsymdaǵy jaǵdaıdyń ózinde sharýa qojalyqtary 23 myń 924 bas analyq iri qara mal men 1409 asyl tuqymdy buqa satyp alǵan. ıAǵnı, jospar tıisinshe 57 jáne 101 paıyzǵa oryndalyp otyr.
«Sybaǵa» baǵdarlamasynyń júzege asyrylýy men qoǵam úshin ashyqtyǵyn qamtamasyz etý maqsatynda www.sybaga.kz Internet resýrsy iske qosylǵan.