«Sybaǵa» baǵdarlamasy aıasynda asyl tuqymdy 620 myń bas iri qara mal satyp alynǵan

ASTANA. QazAqparat - «Sybaǵa» baǵdarlamasy aıasynda asyl tuqymdy 620 myń bas iri qara mal satyp alynǵan. Bul týraly búgin QR Ulttyq kásipkerler palatasynda iri qara mal etiniń eksporttyq áleýetine arnalǵan dóńgelek ústel barysynda QR Aýyl sharýashylyǵy mınıstri Asyljan Mamytbekov málim etti.

Mınıstrdiń sózine qaraǵanda, baǵdarlama aıasynda satyp alynǵan iri qaranyń barlyǵy asyl tuqymdy mal basyn ósirý maqsatyn qamtıdy.

Bul rette tabynǵa asyl tuqymdy buqalardan (1:30) qosylyp otyrady. «ıAǵnı, qazirgi kúni fermalardaǵy asyl tuqymdy iri qara negizinen maldyń tólin arttyrýmen aınalysady, al onyń tóli ósip, jetilgen soń bordaqylaý alańdaryna jóneltiledi. 620 myń asyl tuqymdy iri qara maldan jylyna 500-550 myń bas tól óredi, olardyń 50 paıyzǵa jýyǵy buqashyq», - deıdi A.Mamytbekov.

Onyń aıtýynsha, erkek taıynshalardy bordaqylaý alańdaryna jóneltý úshin 2014 jyldyń sońynan bastap, sýbsıdııa retinde ár mal basyna 24 myń teńgeden bólinip keledi.