«Svıatlo» polıak etnomádenı birlestiginiń basshysy: Biz - Qazaqstannyń bir bólshegimiz

AQTÓBE. QazAqparat - Aqtóbe oblystyq «Svıatlo» polıak etnomádenı birlestiginiń tóraıymy Elena Tsıbýlskaıa Qazaqstan halqy Assambleıasynyń kezekti sessııasyn asyǵa kútedi. Onyń aıtýynsha, sessııa adamdarǵa kúsh berip, jańa josparlardy iske asyrýǵa múmkindik beredi, dep habarlaıdy QazAqparat tilshisi.

Sáýir aıynyń sońynda ótetin Qazaqstan halqy Assambleıasynyń kezekti sessııasyna Aqtóbeden birneshe delegat qatysady. Olardyń kóbi uzaq jyldar boıy eńbek etip, el ishindegi tatýlyq pen birlikti, yntymaqty dáriptep kele jatqan azamattar. Bári de Qazaqstan halqy Assambleıasynyń el ishindegi mańyzyn jaqsy túsinedi.

«Sessııa etnomádenı birlestikterdiń jumysyna serpin beredi. Keıde oıǵa alǵan isimiz júzege aspaı, kóńil-kúıimiz túsip ketedi. Al sessııaǵa barǵan kezde qaıta qanat jaıyp, kúsh alyp kelemiz. Biz - Qazaqstannyń bir bólshegimiz. Ana retinde beıbitshilik degenimiz ultaralyq qatynas, dostyq, tatýlyq dep túsinemin. Elimizde orys otbasy et assa, qazaqtar borş pisiredi. ıAǵnı, biz bir-birimizben bite qaınasyp, aralasyp ketkenbiz. Bir-birimizdi syılaımyz, qurmetteımiz. El tynyshtyǵy úshin mańyzdysy osy», - dedi Elena Tsıbýlskaıa.

Aıta keteıik, Aqtóbe oblysynda 300-den astam polıak azamaty turady. Olardyń teń jartysy «Svıatlo» polıak etnomádenı birlestigimen tyǵyz baılanys ustaıdy. Birlestikte polıak tilin tegin úırenýge bolady.