Svetlana Jaqypova kolledjderde serjanttar daıyndaıtyn áskerı kafedralar ashýdy usyndy
ASTANA. KAZINFORM – Búgin Úkimet otyrysynda Eńbek jáne halyqty áleýmettik qorǵaý mınıstri Svetlana Jaqypova kolledjderde serjant quramyn daıyndaıtyn áskerı kafedralar ashýdy usyndy.
Onyń atap ótýinshe, qazirgi ýaqytta elimizde tehnıkalyq mamandardyń tapshylyǵy baıqalady. Sondyqtan mamandyǵy boıynsha oqýyn aıaqtaǵan jastardy áskerı boryshyn óteýden bosatý máselesin qarastyrý qajet.
«Olardy áskerı daıyndyqtan ótkizý úshin kolledjderde serjant quramyn daıyndaýǵa baǵyttalǵan áskerı kafedralardy ashýdy usynamyn», - dedi mınıstr.
Jalpy, Svetlana Jaqypovanyń dereginshe, bıyl 948 myńnan astap azamatty jumyspen qamtý kózdelip otyr. Búginge deıin 352 myńnan astam adam jumyspen qamtyldy. Bul jalpy kórsetkishtiń 37 paıyzy. Olardyń 148 myńy – jastar.
«Jalpy, jyl basynan beri jumyspen qamtylǵan azamattardyń 137 myńy memleket tarapynan sýbsıdııalanatyn jumys oryndaryna joldanǵan bolsa, 97 myńnan astam azamat Memleket basshysynyń «Árbir 10 myń halyqqa 100 jańa jumys oryndary» bastamasy aıasynda, 103 myńnan astamy jumys berýshiler tarapynan usynylatyn bos jumys oryndaryna, al 16 myńǵa jýyǵy elimizde júzege asyrylyp jatqan ulttyq jobalar men salalyq tujyrymdamalar aıasynda iske asyrylyp jatqan jobalarǵa jumysqa ornalasty», - dedi ol.
