Svetlana Podobedova: Men óz quqyǵymdy qorǵaımyn
ASTANA. QazAqparat - Qazaqstandyq aýyr atlet Svetlana Podobedova, dopıng paıdalandy degen kúdik paıda bolǵannan keıin óziniń Instagram-daǵy paraqshasynda osy jaǵdaıǵa baılanysty málimdeme jasady, dep habarlady Sports.kz.
«Men úshin bul kútpegen jańalyq boldy. Buǵan qalaı áser etý kerek ekenin de bilmeı otyrmyn. 2009 jyldan Qazaqstan quramasy quramynda óner kórsetip, barlyq lıtsenzııalyq týrnırde barlyq dopıng-synaqtardan, sonyń ishinde 2012 jylǵy Olımpıada oıyndaryndaǵy synaqtan da óttim. Ol kezde qanymda dopıng bolmaǵan.
Synamalardy qaıta tekserý úderisi jáne qandaı prıntsıp boıynsha sportshylardy tańdaǵany túsiniksiz. 4 jyl ótti... Nege dál Rıodaǵy jaýapty syn aldynda mundaı jańalyqty taratty? Jaýaptan góri suraqtarym kóp. Alaıda, osyǵan baılanysty TMD elderiniń jetekshi sportshylary ýaqytsha shettetildi. Osy sátten bastap men óz quqyqtarymdy qorǵaımyn. Sporttyq álemdegi daýlardy esepke alyp, esh jaǵdaıǵa qaramastan, men jattyǵý jumystaryn jalǵastyryp jatyrmyn!», - dep jazdy Svetlana.
