Svetlana Podobedova álem chempıonatyna qatyspaıdy
ASTANA. QazAqparat - Qazaqstandyq shtangashy jáne 2012 jylǵy Olımpıadanyń chempıony Svetlana Podobedova Almatyda ótetin álem chempıonatyna jaraqaty saldarynan qatysa almaıdy, dep habarlaıdy sports.kz.
"Ókinishke qaraı, Svetlana Podobedova jaraqattanyp qaldy, onyń sol jaq sanynyń ústińgi bóliginiń bulshyq eti jarym-jartylaı jyrtyldy. Densaýlyǵyn qalpyna keltirý úshin sportshyǵa bir aıdaı ýaqyt qajet. Sondyqtan ol týrnırge qatysa almaıdy, - deıdi Qazaqstannyń aýyr atletıka boıynsha Bas jattyqtyrýshysy Alekseı Nı.
75 kelige deıingi salmaq dárejesinde Svetlananyń ornyna Anna Nurmuhambetova shyǵady", - dedi Alekseı Nı.
Esterińizge sala keteıik, aýyr atletıkadan 2014 jylǵy álem chempıonaty 8-16 qarasha aralyǵynda Almaty qalasynda ótedi.
