Svetlana meniń ómirimdegi álem rekordyn 3 ret jańartqan úshinshi sportshy - Enver Túrkilerı
ALMATY. Qyrkúıektiń 30-y. QazAqparat /Erbol Turymbetov/ - Svetlana meniń ómirimdegi álem rekordyn 3 ret jańartqan úshinshi sportshy.
Men ony óte joǵary baǵalaımyn. Bul týraly aýyr atletıkadan QR ulttyq quramasynyń keńesshisi Enver Túrkilerı keshe Almatyda ótken baspasóz máslıhatynda aıtty.
Onyń aıtýynsha, jaqynda aıaqtalǵan álem chempıonatynda Qazaqstan quramasy álemdik dárejedegi óziniń joǵary deńgeıliligin kórsete aldy.
«Svetlana meniń ómirimdegi álem rekordyn 3 ret jańartqan osymen 3-shi sportshy bolyp otyr. Men mundaı sportshylardy óte joǵary baǵalaımyn. Qazaq eliniń ziltemirshileri búginde óziniń kemel shaǵyna kelip otyr. Qazirgi qurama sapyndaǵy sportshylar bazasy joǵary deńgeıde», dedi E. Túrkilerı.
Aýyr atletıkdan Qazaqstan ulttyq quramasynyń bas bapkeri Alekseı Nıdiń aıtýynsha, sportshylarymyz aldaǵy Azııa oıyndarynda da joǵary nátıjelerge jetedi. «Meniń quramamen jumys istep kele jatqanyma biraz ýaqyt boldy. Sondyqtan da maǵan sportshylar óte jaqsy tanys. Olar áli jas. Bul sportshylardyń aldaǵy London Olımpıadasyn baǵyndyratyn mol múmkindikteri bar», deıdi ol.
