Sverdlovsk oblysynda 30 adamdy jylan shaqty
ASTANA. QazAqparat - Sverdlovsk oblysynda jylan shaqqan otyz adam aýrýhanaǵa jetkizilgen, olardyń jeteýi bala, dep habarlady TASS oblystyq densaýlyq saqtaý mınıstrliginiń baspasóz qyzmetine silteme jasap.
«Oblys ortalyǵyndaǵy aýrýhanaǵa jazdyń eki aıynda jylan shaqqan 30 adam túsken. Jylan ýymen ýlaný óńirdiń barlyq aýdandarynda, onyń ishinde Ekaterınborda da tirkeldi. Qazir sańyraýqulaq jınaý maýsymy. Zardap shekkender de kóbine sańyraýqulaq jınaýshylar», - dep atap ótti baspasóz qyzmetinde. Budan buryn RǴA Oral bólimshesiniń qyzmetkeri, bıologııalyq ǵylymdar doktory Vladımır Işenko jylan shaǵý faktisi keıingi eki jylda eki esege óskenin habarlaǵan bolatyn.
