Sven Alkalaı: Qazaqstan Eýropa men Azııa arasyndaǵy kópir retindegi qyzmetin toqtatpaıtynyna senemin

ASTANA. 30 qarasha. QazAqparat - BUU Bas hatshysynyń orynbasary, BUU Eýropalyq komıssııasynyń atqarýshy hatshysy Sven Alkalaı Elbasy Nursultan Nazarbaevty jáne Qazaqstan halqyn QR Tuńǵysh Prezıdenti kúnimen quttyqtady.

«Qazaqstan Respýblıkasynyń Tuńǵysh Prezıdenti Kúnine oraı, joǵary mártebeli Nursultan Nazarbaev pen Qazaqstan halqyna baqytty, óskeleń jáne beıbit bolashaq tileımin!

Men jáne BUU Eýropalyq Ekonomıkalyq Komıssııasyndaǵy áriptesterim aldaǵy ýaqytta bizdiń uıym men Qazaqstan arasynda qalyptasqan jemisti yntymaqtastyqty barlyq aımaqtyń ıgiligine damytýǵa bar kúshin salady. Sizdiń tıimdi basshylyq etýińizdiń arqasynda Qazaqstan Ortalyq Azııa aımaǵyndaǵy elderdiń damýynda óziniń bedeldi mártebesin saqtap, Eýropa men Azııa arasyndaǵy kópir retinde baılanysyn toqtatpaıtynyna senemin», - delingen quttyqtaýda.