Suıytylǵan gazdyń kóterme baǵasy artady ma

ASTANA. QazAqparat - Suıytylǵan gazdyń kóterme shekti baǵasyn bekitý týraly buıryq joba kúıinde ǵana. Bul týraly búgin Úkimettiń selektorlyq rejimdegi otyrysynan keıin BAQ ókilderiniń saýalyna jaýap bergen QR Energetıka mınıstri Qanat Bozymbaev aıtty, dep habarlaıdy QazAqparat.

«Qazir oǵan qatysty eshteńe aıta almaımyn. Qol qoıǵan joqpyn. Ol máseleni talqylaý áli erte. Ol tek joba ǵana»,-  dedi Qanat Bozymbaev.

Aıta keteıik, keshe elimizdiń keıbir buqaralyq aqparat quraldary jaqynda «Suıytylǵan munaı gazyn ishki naryqta kóterme saýdada ótkizýdiń shekti baǵasyn bekitý týraly» Energetıka mınıstri buıryǵynyń jobasy talqylanatyndyǵyn jazǵan edi. Jarııalanǵan málimetke qaraǵanda, atalǵan qujatqa sáıkes, Qazaqstan Respýblıkasynyń ishki naryǵynda suıytylǵan munaı gazyn kóterme saýdada ótkizýdiń shekti baǵasyn qosylǵan qun salyǵyn esepke almaǵanda (2018 jylǵy 1 qańtardan bastap 31 naýryz aralyǵynda) tonnasyna 38 701.67 teńge mólsherinde bekitý usynylmaq.