Suıytylǵan gaz baǵasyn memlekettik retteý ne úshin toqtatyldy

NUR-SULTAN. QazAqparat – QR Energetıka mınıstrligi gaz jáne munaı-gaz-hımııa departamentiniń dırektory Qýanysh Sársekeev suıytylǵan munaı gazy baǵasyn memlekettik retteý ne úshin toqtatylǵanyn aıtyp berdi, dep habarlaıdy QazAqparat tilshisi.

2021 jyldyń birinshi toqsanyna vedomstvo suıytylǵan munaı gazynyń kóterme baǵasyn QQS-syz 38 701 teńge/tonna deńgeıinde bekitken (baǵalar 2018 jylǵy 1 qańtardan beri ózgermegen).

2020 jyly da baǵa qosymsha qun salyǵynsyz 38 701 teńge/tonna bolǵan, al 3 toqsannan bastap – suıytylǵan gazdyń álemdik baǵasy tómendep, QQS-syz 28 myń teńge/tonna bolǵan.

Qazaqstanda 1 naýryzdan bastap avtogaz quıý stantsııalarynda suıytylǵan munaı gazynyń bólshek saýda baǵasyn ýaqytsha memlekettik retteý alynyp tastaldy.

«Atameken» UKP men salalyq qaýymdastyqtar birneshe ret memlekettik organdarǵa buıryqtyń kúshinde bolý merzimin shekteý týraly ótinish bildirdi. Ony uzartqan jaǵdaıda kásipkerlerde shtat pen qyzmetkerlerdiń jalaqysyn qysqartý qaýpi týyndar edi. Sondaı-aq keıbir óńirlerde belgilengen tómen baǵalar gaz kólemi qymbattaý basqa óńirlerge aǵylýyna yqpal etýi múmkin, bul óńirlerde suıytylǵan munaı-gaz tapshylyǵyn týdyrýy múmkin edi», - deıdi Q. Sársekeev Ortalyq kommýnıkatsııalar qyzmetinde ótken baspasóz máslıhatynda.

Buǵan deıin kóktemgi dala jumystaryna 380 myń tonna dızel jeńildikpen beriletini habarlanǵan edi.

Sonymen birge, Energetıka vıtse-mınıstri Áset Maǵaýov QR ishki naryǵynda janar-jaǵarmaı baǵasynyń qalaı qalyptasatynyn túsindirdi.