Sýyr ini janynan ejelgi ári belgisiz jádiger tabyldy
ASTANA. QazAqparat - Shyǵys Pensılvanııadaǵy Delaver ózeniniń jaǵalaýynda tabylǵan jádiger aımaqtyń tarıhy qupııaǵa toly ekenin kórsetedi, dep jazady epochtimes.ru.
Ózen jaǵalaýyna jaqyn jerdegi ýchaske ıesi sýyr ininiń mańynan aq balshyqtan jasalǵan ydysty tapty. Kózi qaraqty áıel munyń tegin zat emestigin bilgen.
«Aq balshyqta (kaolın) qospa bolmaıdy, úndister óz keramıkasyna sol mańdaǵy tabıǵı balshyqtardy paıdalanǵan. Sonymen qatar, Delaver úndisteriniń keramıkasy ádette qara tústi, olar tabıǵı qospalardy qosatyn, sonyń ishinde shóp pen tastardy», dep túsindirdi ol. Sondaı-aq bul ózgeshe zattyń sımmetrııalyq pishini onyń quıylyp jasalǵanyn kórsetedi. Bul Soltústik Amerıkanyń keramıkalyq buıymdaryna jat nárse.
