Sýyq aýa raıy men qalyń qar Ulybrıtanııa halqyn ábirjitip tastady
ASTANA. Qańtardyń 6-sy. QazAqparat - Qalyń jaýǵan qar men aýa raıynyń kúrt sýytýy Ulybrıtanııadaǵy kólik júıesiniń jumysyn qıyndatyp,
áýejaılar men kóptegen joldardyń jabylýyna soqtyrdy. Elde júzdegen mektep jabyldy, dep habarlaıdy "Skaı-nıýs" telearnasy.
Búgin tańerteń jabylǵan Manchester men Lıverpýl áýejaılary óz jumystaryn qaıta jandandyrdy, biraq ondaǵy jaǵdaı áli de bolsa kúrdeli, sebebi ondaǵan reıster toqtatylǵan nemese keıinge ysyrylǵan. Jaısyz aýa raıy London, Glazno, basqa da birqatar qalalardyń áýejaılarynyń jumystaryna teris áserin tıgizýde.
Oǵan qosa, Ulybrıtanııa elordasy men Lıds qalasy arasyndaǵy temirjol qatynasy da toqtatyldy. Sheffıld pen Barnslı qalalarynda avtobýs qozǵalystary tolyq toqtady. Brıtanııa joldarynda ár saǵat saıyn eń az degende 1,4 myńdaı jol-kólik oqıǵalary oryn alýda.
Birikken Koroldiktiń soltústigindegi jaǵdaı da óte kúrdeli, ondaǵy joldardy qardan tazartýǵa 500-ge jýyq tehnıka jumyldyryldy.
