Sýyq antıtsıklon QR shyǵysyna áserin saqtap qalady, batys pen ońtústikte qar jaýyp, burqasyn bolady - 22 jeltoqsanǵa arnalǵan aýa raıy boljamy
ASTANA. 21 jeltoqsan. QazAqparat - Qazaqstannyń batys jáne ońtústik bóligi tsıklon qoınaýynyń áserinde bolyp, munda 22 jeltoqsanda keıbir jerlerde qar túsip, burqasyn, ekpindi jel bolady.
Bul týraly Qazgıdrometke silteme jasaǵan QR TJM-niń baspasóz qyzmetinen habarlaıdy.
Sýyq antıtsıklon Qazaqstannyń shyǵys bóligine áserin áli de saqtaýda, onymen birge aıazdy kún raıy kútiledi.
Almaty oblysyndaǵy Jalańashkqol aýdanynda jeldiń kúshi 17-22 m/s bolady, jel ekpini 27 m/s deıin jetedi.
Ońtústik Qazaqstan oblysynyń keıbir jerlerinde tuman túsip, jeldiń 15-20 m/s deıin kúsheıýi yqtımal, jaıaý burqasyn bolady.
Jambyl oblysynda kúndiz keıbir jerlerde tuman túsip, kóktaıǵaq bolady, jekelegen aýdandarda jeldiń kúshi 15-20 m/s deıin jetedi.
Atyraý oblysynda jel ekpini 17-22 m/s deıin jetedi, keıbir jerlerde burqasyn bolady.
Qyzylorda, Mańǵystaý, Batys Qazaqstan, Aqtóbe oblystarynyń keı jerlerinde jeldiń 15-20 m/s deıin kúsheıýi, burqasynnyń bolýy yqtımal, Mańǵystaý oblysynda shańdy daýyl bolady.
Qostanaı, Qaraǵandy, Aqmola, Soltústik Qazaqstan oblystarynyń keıbir jerlerinde jeldiń kúshi 15-20 m/s deıin jetedi, kúndiz burqasyn bolady.
Shyǵys Qazaqstan oblysynda da jeldiń kúshi 15-20 m/s deıin jetedi, túnde jáne tańerteń keıbir jerlerde tuman túsedi.
Túnde Almaty oblysynda keıbir jerlerde óte qatty aıaz saqtalady, Shyǵys Qazaqstan oblysynda keıbir jerlerde qatty aıaz saqtalady.
Aldaǵy úsh táýlikte respýblıkanyń ońtústik jáne ońtústik-shyǵysyndaǵy jekelegen ózenderde muz qatýdyń birte-birte álsireýi, sý deńgeıiniń aýytqýy baıqalady. Qazaqstannyń qalǵan sý nysandarynda gıdrologııalyq rejımde baıqalatyndaı ózgerister kútilmeýde.
