Suıytylǵan gazdyń kóterme saýdadaǵy shekti baǵasy ózgerissiz qaldy
ASTANA. KAZINFORM – QR Energetıka mınıstri suıytylǵan munaı gazyn kóterme saýdada satýdyń shekti baǵasyn bekitý týraly buıryqqa qol qoıdy.
– 2026 jylǵy 1 shildeden 2026 jylǵy 31 jeltoqsanǵa deıingi kezeńde QR ishki naryǵyna taýar bırjalarynan tys jetkiziletin suıytylǵan munaı gazyn jetkizý jospary sheńberinde suıytylǵan munaı gazynyń kóterme saýdadaǵy shekti ótkizý baǵasy qosylǵan qun salyǵyn esepke almaǵanda tonnasyna 59 722 teńge mólsherinde bekitilsin, – delingen qujatta.
Buıryq 2026 jyldyń 1 shildesinde kúshine endi.
Aıta keteıik, buǵan deıin suıytylǵan munaı gazyn saqtaýǵa arnalǵan syıymdylyqtardy jer ústinde ornalastyrýǵa tyıym salynatynyn jazǵanbyz.
Sonymen qatar Qazaqstanda suıytylǵan gazdy syrtqa shyǵarýǵa tyıym taǵy alty aıǵa uzartyldy.
