Suıytylǵan gazdy syrtqa shyǵarýǵa salynǵan tyıym merzimi taǵy 6 aıǵa uzartylady
ASTANA. KAZINFORM – Energetıka mınıstrligi suıytylǵan gazdy el aýmaǵynan syrtqa shyǵarýǵa salynǵan tyıymdy taǵy 6 aıǵa uzartý týraly buıryq jobasyn kópshilik talqylaýyna shyǵardy.
- Qazaqstan Respýblıkasynyń ishki naryǵyn suıytylǵan munaı gazymen úzdiksiz qamtamasyz etý maqsatynda 2025 jylǵy 14 qarashadan bastap alty aı merzimge el aýmaǵynan áketýge tyıym salady, - dep jazylǵan qujat sıpattamasynda.
Naqtyraq aıtsaq, Qazaqstan aýmaǵynan suıytylǵan munaı gazyn, propan men býtandy avtomobılmen jáne temirjol kóligimen áketýge alty aı merzimge tyıym salynady.
Buǵan deıin Aqtóbe qalasynda suıytylǵan gaz talon arqyly satylyp jatqanyn jazǵan edik.
Jergilikti zaýyttar bólgen gaz jetpegendikten, Shymkentten qosymsha gaz tasymaldaý týraly sheshim qabyldandy.