Suıytylǵan gazdy syrtqa shyǵarýǵa engizilgen tyıym taǵy 6 aıǵa sozylady

ASTANA. KAZINFORM – Energetıka mınıstrligi suıytylǵan gazdy avtomobıl jáne temirjol kóligimen áketýge engizilgen tyıymnyń merzimin taǵy 6 aıǵa uzartý týraly buıryq jobasyn kópshilik talqylaýyna shyǵardy.

Qujat qabyldansa, 6 aılyq tyıym 2025 jylǵy 14 mamyrdan bastap kúshine enedi.

- Qazaqstan aýmaǵynan suıytylǵan munaı gazyn (EAEO SEQ TN kody 2711 12 970 0), propandy (EAEO SEQ TN kody 2711 12 970 0) jáne býtandy (EAEO SEQ TN kody 2711 13 970 0) avtomobıl jáne temirjol kóligimen áketýge alty aı merzimge tyıym salý engizý usynylady.

Suıytylǵan munaı gazymen qamtamasyz etý maqsatynda Qazaqstan Respýblıkasynyń ishki naryǵy 2025 jylǵy 14 mamyrdan bastap alty aı merzimge el aýmaǵynan áketýge tyıym salady, - dep jazylǵan qujat týraly kestede.

Eske salsaq, jyl basynda elden benzın jáne dızel otynyn shyǵarýǵa tyıym salynǵan bolatyn.