Suıytylǵan gazdy Qazaqstan aýmaǵynan áketýge tyıym salý uzartyldy
ASTANA. KAZINFORM — Vedomstvoaralyq komıssııa taýar aǵynyn retteýdiń jańa sharalaryn qabyldady, dep habarlaıdy Úkimettiń baspasóz qyzmeti.
Úkimette Premer-mınıstrdiń orynbasary — ulttyq ekonomıka mınıstri Serik Jumanǵarınniń tóraǵalyǵymen syrtqy saýda saıasaty jáne Halyqaralyq ekonomıkalyq uıymdarǵa qatysý máseleleri jónindegi vedomstvoaralyq komıssııanyń otyrysy ótti.
— Suıytylǵan gazdy Qazaqstan aýmaǵynan áketýge tyıym salý uzartyldy. Buǵan deıin tyıym shekara mańyndaǵy elderge suıytylǵan munaı gazynyń aǵynyn boldyrmaý jáne ishki naryqta tapshylyqqa jol bermeý maqsatynda qabyldanǵan bolatyn. Bolat daıyndamalar men jartylaı fabrıkattardy áketýge tyıym 6 aıǵa uzartyldy. Aıta ketý kerek, buǵan deıin engizilgen tyıymnyń oń nátıjesi bolat daıyndamalar túrindegi jartylaı fabrıkattardy shyǵarý boıynsha qoldanystaǵy qýattardy metallýrgııa ónerkásibinde neǵurlym tereń óńdeýge qaıta baǵdarlaý jáne armatýra eksportyn 30 myń tonnaǵa ulǵaıtý boldy, — delingen habarlamada.
Eýrazııalyq ekonomıkalyq odaqqa kirmeıtin memleketterden gıpsokarton men tas ónimderin ákelýge 3 aıǵa tyıym salý týraly usynys qoldaý tapty. 2024 jyldyń qorytyndysy boıynsha Qazaqstanda ishki tutyný kólemi 58,76 myń tonna bolatyn 95,2 myń tonna tas tóseldi. Ótken jyly otandyq kompanııalar eldegi 38,8 mln sharshy metr suranysqa 35,5 mln sharshy metr gıpsokartan óndirdi. Jalpy qazaqstandyq kásiporyndardyń jyldyq óndiristik qýaty shamamen 46 mln sharshy metrdi quraıdy. Otandyq gıpsokarton jáne tas buıymdaryn óndirýshiler ónimniń osy túrlerine qoldanystaǵy baǵany saqtaý boıynsha mindettemeler aldy.
QHR-dan ystyq deformatsııalanǵan jiksiz qubyrlarǵa jáne QHR men Ýkraına óndirisiniń myryshtalǵan prokatyna qatysty dempıngke qarsy sharalardy uzartý týraly sheshim qabyldandy.
Qazaqstan Respýblıkasynan faner eksportyn avtomatty lıtsenzııalaý maquldandy. Bul otandyq fanerdiń eksporttyq tasymalyn taldaýǵa múmkindik beredi.
Budan buryn Serik Jumanǵarın Qyrǵyz Respýblıkasynyń sý resýrstary, aýyl sharýashylyǵy jáne qaıta óńdeý ónerkásibi mınıstri Baqyt Torobaevpen kezdeskenin jazdyq.