Súıindik Aldashev Senat komıtetiniń tóraǵasy bolyp saılandy

ASTANA. QazAqparat – QR Parlamenti Senatynyń Ekonomıkalyq saıasat, ınnovatsııalyq damý jáne kásipkerlik komıtetiniń tóraǵasy qyzmetine Súıindik Aldashevtiń kandıdatýrasy maquldandy, dep habarlaıdy QazAqparat tilshisi.

Palatanyń Ekonomıkalyq saıasat, ınnovatsııalyq damý jáne kásipkerlik komıtetiniń tóraǵasy qyzmetine Súıindik Tásemenuly Aldashevtiń kandıdatýrasy usynyldy. Osylaısha Súıindik Aldashev atalǵan komıtet tóraǵasy bolyp biraýyzdan saılandy.

Súıindik Tasemenuly - Ekonomıkalyq saıasat, ınnovatsııalyq damý jáne kásipkerlik komıtetiniń múshesi. Senat depýtaty bolyp Mańǵystaý oblysynan saılanǵan.

Ol 1963 jyly 25 maýsymda dúnıege kelgen. 1986 jyly I.M.Gýbkına atyndaǵy munaı jáne gaz ınstıtýtin bitirgen, 2008 jyly Ortalyq-Azııa ýnıversıtetin bitirgen.

Eńbek jolyn 1979 jyly - Ózen burǵylaý jumystary basqarmasynda tokar, burǵyshynyń kómekshisi, burǵyshy sheberiniń kómekshisi, óndiristik qyzmet kórsetý bazasynyń ınjeneri, burǵylaý sheberi, Jańaózen burǵylaý jumystary basqarmasynyń tehnologııa bólimi bastyǵynyń orynbasary bolyp bastady.

1994-1996 jyldary - «KazTransOıl» AQ «Ózen» magıstraldy munaıqubyrlary ońtústik basqarmasynyń bastyǵy;

1996-1998 jyldary - «KazTransOıl» AQ Mańǵystaý munaıqubyrlaryn basqarý basqarmasy batys fılıaly bastyǵynyń orynbasary;

1998-1999 jyldary - «KazTransOıl» AQ «Aqtaý» batys fılıalynyń bastyǵy;

1999-2000 jyldary - «KazTransOıl» AQ batys fılıaly munaıqubyrlaryn paıdalaný bóliminiń bastyǵy;

2000-2004 jyldary - Bas ınjener, dırektordyń birinshi orynbasary, «KazTransOıl» JAQ Aqtóbe fılıalynyń dırektory;

2004-2010 jyldary - «KazTransOıl» batys fılıalynyń Mańǵystaý munaıqubyrlary basqarmasynyń magıstraldy qubyrlardy paıdalaný qyzmetiniń bastyǵy;

2010-2012 jyldary - «KazTransOıl» batys fılıaly munaıqubyrlary Mańǵystaý basqarmasynyń bas ınjeneri;

2012-2017 jyldary - Mańǵystaý oblysy ákiminiń birinshi orynbasary;

2017 jyldyń qarasha aıynan «Qarajanbasmunaı»AQ birinshi vıtse-prezıdenti laýazymyn atqarǵan.

«Amanat». partııasynyń múshesi.

Qurmet ordenimen marapattalǵan.

Foto: senate.parlam.kz