Súıimbaevtyń soqqan doby Eýropadaǵy eń ádemi goldar qataryna endi
ASTANA. QazAqparat - ÝEFA 2018 jylǵy álem chempıonatyna irikteý kezindegi Eýropadaǵy eń ádemi goldardy atady, dep habarlaıdy QazAqparat tilshisi uefa.com saıtyna silteme jasap.
Belgili fýtbol uıymy QR ulttyq quramasynyń fýtbolshysy Ǵafýrjan Súıimbaevtyń Danııa qaqpasyna soqqan golyn úzdik ondyqqa kirgizdi.
Eýropadaǵy ádemi 10 gol soqqandardyń arasynda Olıve Jırý (Frantsııa), Emre Djan (Germanııa), Sebastıan Rýdı (Germanııa) syndy tanymal aıaqdopshylar bar.
Eske salsaq, irikteý kezeńinde Qazaqstan quramasy Danııadan 1:4 esebimen oısyraı utylǵan edi. Esesine, «Qaırat» qorǵaýshysy Súıimbaevtyń 30 metrdeı jerden shirene tartqan doby qaqpa toryn týlatqan-dy.
