Súıiktisiniń jarty mıllıon teńgesin urlaǵan semeılik ustaldy
SEMEI. QazAqparat - Semeıde azamattyq nekedegi áıeliniń 500 myń teńgesin urlaǵan 42 jastaǵy azamat ustaldy, dep habarlaıdy QazAqparat.
43 jastaǵy qala turǵyny qaladaǵy Áýezov polıtsııa bólimine úıinen jınap júrgen qarajatynyń joǵalǵanyn aıtyp aryz túsirgen. Onyń sózine qaraǵanda, qomaqty qarajatyn jatyn bólmesinde saqtaǵan.
Júrgizilgen sharalardyń nátıjesinde Áýezov polıtsııa bóliminiń qyzmetkerleri iske qatysy bar degen kúdikpen japa shegýshiniń 42 jastaǵy súıiktisin ustady. Tergeý kezinde ol kinásin moıyndaǵan. Buǵan deıin de isti bolǵan azamattan urlanǵan aqsha qaıtyp alyndy. Áli jaratyp úlgermegen eken. Qazir atalǵan is boıynsha QR Qylmystyq kodeksiniń 188 baby, 2-shi tarmaǵy boıynsha is qozǵalyp, sotqa deıingi tergeý bastaldy.
«Jedel izdestirý sharalaryna kirisken polıtsııa qyzmetkerleri urynyń úıge tereze arqyly kirgenin anyqtady. Al áreketin úı ıesi túngi kezekshilikke ketken ýaqytta iske asyrǵan. Іsti ashý úshin polıtseıler áıeldiń tanystary men kórshilerin tergedi. Sebebi, jatyn bólmede qomaqty qarjynyń saqtalǵanynan habary bar adamnyń urlaǵany belgili boldy»,-dedi Semeı qalalyq ІІB Memlekettik til jáne aqparat bóliminiń jetekshisi Elýbek Ospanov.
