Súıiktisine usynys jasap, toıǵa nesıe aldyrǵan jigit qashyp ketti
ASTANA. QazAqparat - Pavlodar oblysynyń polıtseıleri alaıaqtyq jasap, bóten múlikti urlady degen kúdikke ilingen Ekibastuz qalasy Qoıandy aýylynyń týmasy Salyq Qaǵbatolla Qabdollaulyn (Kaba) izdestirýde, dep habarlaıdy pavlodarnews.
Oblystyq ІІD baspasóz qyzmetiniń habarlaýynsha, Ekibastuz qalasynyń ІІB-ge 24 jastaǵy jigittiń aldaý joly arqyly nesıe resimdeýge kóndirgeni jáne senimge kirip, múlkin (aqshalaı qarajat, uıaly telefon) urlaǵany týraly boıjetken kelip shaǵymdanǵan.
«Aldanǵan qyzdardyń bireýi 2017 jylǵy jeltoqsannyń sońynda áleýmettik jelide tanysyp, hat alysqan. Qyzdyń mekenjaıyn bilip alǵannan keıin qaskóı úıine qonaqqa kelip, shaı ústinde anasymen bolǵan jalǵan qaıǵyly oqıǵa jaıly aıtyp bergen. Budan keıin qolaıly sátti paıdalanyp, aqshasyn, qundy zattaryn urlap, qashyp ketken», - dedi baspasóz qyzmetinde.
Kezekti sulýmen alaıaq dál solaı áleýmettik jeli arqyly tanysqan. Budan soń qaskóı oǵan turmysqa shyq dep usynys bildirgen, keıin aldap, úılený toılaryna nesıe resimdeýge kóndirgen.
Aqshasyn alǵannan keıin tabanyn jaltyratqan. Nesıe quny - 200 myń teńge.
Eger sizge kúdiktiniń turǵylyqty jeri belgili bolsa nemese onyń is-áreketinen bireý japa shekse, Ekibastuz qalasy ІІB kezekshi bóliminiń 102, 8 (7187) 75-06-06 telefondaryna qońyraý shalyńyz nemese +77077004056 whatsapp nómirine habarlama jazyńyz.
