Súıiktisine gúl syılamaqshy bolǵan aqmolalyq sýǵa batyp ketti
KÓKShETAÝ. QazAqparat - Aqmola oblysynda súıiktisine ózen lala gúlin julyp almaqshy bolǵan er adam sýǵa batyp ketti, dep habarlaıdy oblystyq TJD baspasóz qyzmetine silteme jasap.
Vedomstvonyń málimetinshe, maýsymnyń 22-de keshki saǵat 18:48 qutqarý qyzmetiniń baılanys pýltine Jabaı ózeninde adamnyń sýǵa batyp ketkendigi týraly habarlandy.
«Anyqtalǵandaı, 52 jastaǵy er adam azamattyq nekedegi jubaıymen Jabaı ózenine balyq aýlaýǵa barǵan. Bir sátte, er adam sýǵa túsip, súıiktisine lala gúlin julyp alyp bermekshi bolǵan. Alaıda, jaǵaǵa shyǵarda er adam sýǵa batyp ketti», - dedi vedomstvodan.
Іzdestirý jumystaryna Aqmola oblysy TJD Jedel qutqarý jasaǵynyń qutqarýshylary jumyldyryldy. Búgin tańerteń er adamnyń denesi ózen boıyndaǵy ósimdikterdiń arasynan tabyldy.
