Súıiktisimen renjisip, óz páterine «bomba qoıǵan» elordalyq sottaldy
NUR-SULTAN. QazAqparat - Súıiktisimen renjisip qalǵan elorda turǵyny polıtsııaǵa habarlasyp, óz páterine jarylǵysh zat qoıylǵany týraly jalǵan aqparat bergen, dep habarlaıdy QazAqparat tilshisi.
Er adam sol kúni óz páterinde týǵan kúnin atap ótedi. Іshimdikke masaıǵan kezinde qurbysymen sózge kelip qalady.
«Ashýǵa berilip kóshege shyǵyp kettim de, polıtsııaǵa qońyraý shaldym. Páterime bomba qoıǵanymdy, ony qazir jaratyndyǵymdy aıttym. Іstegen áreketime qatty ókinemin»,- dedi 35 jastaǵy elorda turǵyny.
Kúdiktiniń mekenjaıyn jedel anyqtap, páterine kirip kelgen polıtsııa qyzmetkerlerin kórgende elordalyq tańdanysyn jasyra almaǵan. QR Qylmystyq kodesiniń 273-babymen 3 jylǵa bas bostandyǵyn shekteýge sottaldy.
Nur-Sultan qalalyq Polıtsııa departamenti jaryǵysh zat qoıylǵany týraly qasaqana jalǵan habar berý faktilerine aıryqsha nazar aýdarady. Osy jyldyń basynan beri elordada terrorızm aktisi týraly 5 jalǵan aqparat túsken.
«Qylmystyń bul túri aýyrlyǵy ortasha sanatqa jatady jáne qoǵamdyq úlken rezonans týdyrady. Memlekettik qurylymdardyń kóptegen kúshi men bólimsheleri jumyldyrylady. QR Qylmystyq kodeksiniń 273-babynda kózdelgen qylmysty jasaǵany úshin 5 jylǵa deıin bas bostandyǵynan aıyrý túrindegi jaza qarastyrylǵan», - dedi Nur-Sultan qalalyq PD Ekstremızmge qarsy is-qımyl basqarmasy bastyǵynyń orynbasary Danııar Shymyrqulov.
