«Súıemin seni, Astana» festıvali Qala kúnine arnalady
ASTANA. QazAqparat - 30 mamyrda QR Tuńǵysh Prezıdentiniń mýzeıinde «Súıemin seni, Astana» balalar shyǵarmashylyǵynyń festıvali jáne «Men osy jerde ómir súremin» atty halyqaralyq baıqaýdyń qorytyndysy boıynsha, «Súıemin seni, týǵan ólkem!» atty áleýmettik mańyzy bar plakattar kórmesiniń ashylý rásimi ótedi.
Іs-sharany QR Tuńǵysh Prezıdentiniń mýzeıi jáne Balalar kórkemsýret mektebi - ıÝNESKO klýby mýzeıdiń «Balalyq shaqtan kózqaras» jobasy aıasynda Novosibir qalasynyń «Solıarıs» balalar-jasóspirimder qoǵamdyq uıymy, Reseı mádenıet qorynyń Novosibir fılıaly, Novosibir mádenıet qorynyń qoldaýymen uıymdastyryp otyr.
«Súıemin seni, týǵan ólkem!» kórmesinde 2004 jyldan 2013 jyldar aralyǵynda Novosibir qalasynda (Reseı) ótkizilgen jyl saıynǵy qalalyq baıqaýdyń eń úzdik 100 jumysy usynylady. Jumys avtorlary - qala men oblystyń ártúrli mekemeleriniń (balabaqshalar, balalar úıi, ártúrli mektepter, lıtseıler, gımnazııalar, balalar shyǵarmashylyq úıleri, BÓM jáne BKM, ınstıtýttar, qoǵamdyq uıymdar jáne t.s.s.) balalary men eresekteri.
Bul kórmeniń ereksheligi, barlyq halyqtar men Jer shary adamzaty úshin jarqyn bolashaqty jaqyndatýǵa múmkindik beretin barlyq kúshter birigýiniń halyqaralyq sımvoly Beıbitshilik jáne Mádenıet týy astynda ótýinde.
Plakattar avtorlary óz jumystarynda ómirimizdi odan ári jandandyra túsetin nárselerdi beıneleı otyryp, óz kózqarastaryn bildiredi.
Dástúrli túrde Halyqaralyq balalardy qorǵaý kúni qarsańynda ótkiziletin «Súıemin seni, Astana» festıvali kezekti ret qatysýshylar men kelýshilerdi qyzyqty shyǵarmalarymen qýantatyn bolady. Sondaı-aq, festıvalge qatysýshylardyń eń úzdik jumystarynyń avtorlaryn marapattaý rásimi ótedi, dep habarlady QR Tuńǵysh Prezıdentiniń mýzeıinen
