Sútine adam shomylǵan Omby irimshikteri satylymnan qaıtarylýda
ASTANA. QazAqparat - Rospotrebnadzor Ombydaǵy «Syry» zaýyty ónimderiniń naryqtaǵy aınalymyn toqtata turý týraly sheshim shyǵardy. Bundaı sheshim zaýyt qyzmetkerleri sút toltyrylǵan vannada shomylǵan fotosýretterin áleýmettik jelilerge salǵannan keıin qabyldandy.
Atalǵan kásiporynnyń ónimderi Reseıdiń birneshe óńirlerinde satylymnan qaıtarylyp jatyr. Naýryzdyń aıaǵynda ǵalamtorda zaýyttyń birneshe qyzmetkeriniń óz áriptesteriniń týǵan kúnin toılaý kezinde sútke shomylyp jatqan fotosýretteri paıda bolǵan edi. Osydan keıin Rospotrebnadzor kásiporynda sanıtarlyq zańnamany óreskel buzýshylyq jaıttary týraly málimdedi. Vedomstvo sonymen qatar óńirlik Tergeý komıtetinde zaýyt qyzmetkerlerine qatysty qylmystyq is qozǵaý týraly máseleni kóterdi, dep jazady VVS.
Osy eldiń Bas prokýratýrasy da zaýyttyń laýazymdy tulǵalarynyń is-qımylyn tekserýge nıetti ekenin málimdedi. Al kásiporyn ıesi Arkadıı Pletıýktiń málimdeýinshe, beıne tastapaǵa túsken qyzmetkerler sútke emes, ónimge arnalǵan vannany jýǵannan keıin qalǵan tehnologııalyq suıyqtyqqa shomylǵan.
