Sýtegi qozǵaltqyshy bar álemdegi alǵashqy avtomobıl Japonııada 15 jeltoqsannan bastap satylymǵa túsedi
ASTANA. QazAqparat - "Nıkkeı sımbýn" gazetiniń habarlaýynsha, Eýropa men AQSh-ta bul mashınany keler jyldyń jazynda-aq satyp alýǵa bolady.
Japonııada Toyota el úkimetiniń kólikti satyp alǵan árbir adamǵa 17 myń dollar kóleminde sýbsıdııady bólýdi ýáde etýiniń arqasynda jyldyń sońyna deıin shamamen 400 Mirai-dy satpaqshy.
Kompanııanyń málimetterinshe, Mirai qozǵaltqyshynyń jumysy tek sýmen júzege asyrylady: atmosferaǵa eshqandaı zııan qaldyqtar shyǵarylmaıdy. Avtomobıldiń bagyna sýtegi otyny úsh mınýtta tolyq toltyrylady. Bul shamamen 650 shaqyrymdyq jolǵa jetedi, otyn bir shaqyrymǵa eseptegende shamamen 10 ıendi ($0,09) quraıdy.
Kelesi jyly taǵy bir japonııalyq fırma - Honda osyndaı avtomobıldi shyǵarýdy josparlap otyr. Kútilip otyrǵandaı, onyń baǵasy Mirai baǵasymen birdeı bolmaq.
