Sýtegi batareıasy - smartfon qýaty bir aptaǵa jetedi
ASTANA. QazAqparat - Brıtandyq Intelligent Energy kompanııasy eki jyl ishinde smartfondarǵa bir aptaǵa jýyq qýat beretin sýtegi akkýmýlıatoryn shyǵarýdy josparlap otyr. Osyndaı batareıa kólemi qazirgi qoldanystaǵy lıtıı-ıondyq modeldermen birdeı sondyqtan ony telefondarǵa ornatýǵa bolady.
Bloomberg málimetterine qarasaq, brıtandyq ónertapqyshtar ataýyn jarııalamaýdy qalaǵan smartfon shyǵarýshylardan $7,6 mln ınvestıtsııa alǵan. Eger bul jobaǵa kedergi bolmasa, 2018 jyly sýtegi akkýmýlıatorly alǵashqy telefon qoldanysqa shyǵarylady.
Mobıldik qurylǵy óndirýshiler úshin sheshimi tabylmaǵan jalǵyz kemshilik bar, ol - sýtegi batareıasyn qoldaný kezindegi shyǵatyn sý býy.
