Sý tasqyny kezinde qap tasyǵan Pshon atty ıttiń eskertkishi qaıda qoıylady

ATYRAÝ. KAZINFORM — Atyraý oblysynda byltyrǵy sý tasqyny kezinde Pshon atalatyn ıt qap tasyǵan edi. Ony qarasha aıynda atyp ketti.

Itti asyraǵan otbasy Mahambet aýdanynyń Sarytoǵaı aýylynda turady. Ittiń ıesi Zámzagúl Jańabaevanyń aıtýynsha, Pshondy kúshik kezinen asyraǵan. Biraq ol qabaǵan ıt emes. 

Al Inder aýdanynda turatyn sheber Azamat Kenjeǵalıev óziniń sheberhanasynda jurtshylyqtyń oń pikirine arqaý bolǵan Pshondy kezekti arhıtektýralyq týyndysyna arqaý etti. Ony júrek tektes temir bólshekterinen qurastyrǵan.

Qazir daıyn týyndy art-sheberdiń sheberhanasynda  tur. 

Atyraý oblysy ákiminiń baspasóz hatshysy Rýslan Jumaǵazıevtiń pikirinshe, ázirge arhıtektýralyq týyndynyń qaıda qoıylatyny belgisiz. 

— Atalǵan arhıtektýralyq týyndyny jasaǵan sheber ákimdikke habarlasty. Oǵan týyndyny Mahambet aýdanynyń ortalyǵyna qoıý týraly usynys berildi. Alaıda týyndy avtory bul usynyspen kelispeı otyr. Ol týyndysyn Atyraý qalasynda ornatýdy usyndy. Ony oblys ortalyǵyna qoıýdyń múmkindigi joq. Osylaısha, ázirge qashan, qaıda qoıylatyny jóninde naqty sheshim qabyldanbady, — dep málim etti Rýslan Jumaǵazıev.

Eske sala keteıik, budan buryn Zámzagúl Jańabaeva kúshik kezinen asyraǵan ıti — Pshonnyń qabaǵan emesin aıtqanyn habarlaǵan edik.

Keıin jergilikti sheberdiń Pshon eskertkishin jasaýǵa kiriskenin jazǵan bolatynbyz.